Gwaed

Gwaed
Enghraifft o:	math o sylwedd biogenig, dosbarth o endidau anatomegol, sylwedd biogenig
Math	hylifau corfforol, cynnyrch anifeiliaid
Lliw/iau	coch, di-liw, gwyrdd
Rhan o	system gylchredol
Yn cynnwys	plasma gwaed, cell goch y gwaed, cell gwaed gwyn, platennau
Dynodwyr
Freebase	/M/019jw
Thesawrws y BNCF	1248
	Ffeiliau perthnasol ar Gomin Wicimedia

Gwaed allan o wythïen dynol, wedi'i gasglu yn ystod yr ymarfer meddygol o roi gwaed, gan ddangos ei liw coch tywyll.

Hylif coch yw gwaed sy'n cael ei gylchredeg gan y galon drwy system gylchredol y fertebratau. Mae'n cynnwys yr hylif plasma a chelloedd sy'n llifo drwyddo: gwaetgelloedd coch (erythrosytau), platennau (thrombosytau) a gwaetgelloedd gwyn (lewcosytau).

Dyma'r brif system drafnidiaeth o fewn y corff, sy'n darparu ocsigen i holl organau a chorffgelloedd. Swydd y gwaetgelloedd coch yw cludo ocsigen o amgylch y corff i roi egni i'r cyhyrau. Gwaetgelloedd coch yw'r unig gorffgelloedd sydd ddim yn cynnwys cnewyllyn. Swydd y gwaetgelloedd gwyn yw ymladd heintiau a saldra sy'n ceisio ymosod ar y corff. Mae plasma yn gyfrifol am gludo carbon deuocsid.

Mae nifer o dermau meddygol yn dechrau gyda hemo- neu hemato- yn dod o'r Hen Roeg haîma (αἷμα) ‘gwaed’.

Caiff gwaed ei bwmpio trwy'r corff gan y galon. Mae rhwng pedwar a hanner i bum litr o waed yng nghorff dyn cyffredin.

Lliw

Mae lliw gwaed dynol yn dibynnu ar faint o ocsigen sydd ynddo, oherwydd bod hyn yn effeithio ar gyflwr ocsideiddio'r atomau haearn yn yr hemoglobin – ac mae hyn yn dibynnu ar le'r gwaed yn y system gylchredol. Yn y rhydwelïau a'r capilarïau (mân-wythiennau), mae lefelau'r ocsigen yn uchel ac mae'r gwaed yn goch llachar. Yn y gwythiennau, mae'r gwaed yn cynnwys llai o ocsigen, ac mae ei liw yn goch tywyll.

Eginyn erthygl sydd uchod am anatomeg. Gallwch helpu Wicipedia drwy ychwanegu ato.