Endaf Emlyn

Oddi ar Wicipedia
Neidio i: llywio, chwilio
Endaf Emlyn
Ganwyd Endaf Emlyn Jones
(1944-07-31) 31 Gorffennaf 1944 (73 oed)
Bangor, Gwynedd
Cenedligrwydd Cymru Cymro
Galwedigaeth Cyfarwyddwr, canwr, cerddor
Gweithgar 1967 - presennol

Canwr, cyfansoddwr a chyfarwyddwr ffilm yw Endaf Emlyn Jones (ganwyd 31 Gorffennaf 1944).[1] Roedd yn aelod o'r grwpiau Injaroc a Jîp.

Bywyd cynnar[golygu | golygu cod y dudalen]

Ganwyd Emlyn ym Mangor a'i magwyd ym Mhwllheli. Yn ei arddegau bu'n aelod o gerddorfa ieuenctid Cymru ar yr un pryd a Karl Jenkins a John Cale, gan chwarae'r ffidil. Fe'i hyfforddwyd fel athro ond daeth yn adnabyddus ar ddiwedd y 1960au fel cyhoeddwr teledu gyda HTV Cymru.[1][2]

Gyrfa[golygu | golygu cod y dudalen]

Cerddoriaeth[golygu | golygu cod y dudalen]

Bu'n cyfansoddi ers y 1960au ac ymunodd a chwmni cyhoeddi Tony Hatch, M&M Music. Ym 1967/8 cyhoeddwyd ei record gyntaf, Paper Chains ar label Parlophone, yr un label â'r Beatles ar y pryd. Dewiswyd y gân yn record yr wythnos gan Tony Blackburn ar BBC Radio 1. Ar ail ochr y record sengl oedd Madryn a chafodd ei recordio yn stiwdio'r Beatles yn Abbey Road. Cyhoeddodd ddwy record sengl arall ar Parlophone, All My Life / Cherry Hill, a Starshine / Where were You?.[2]

Rhyddhawyd ei albwm gyntaf, Hiraeth yn 1973, albwm oedd yn cyfuno dehongliadau o hen alawon gwerin a chaneuon gwreiddiol telynegol eu naws.[1]

Y grŵp cyntaf iddo fod yn aelod ohono oedd Yr Eiddoch Yn Gywir gyda Hywel Gwynfryn a Derek Boote. Aeth ymlaen i fod yn aelod o'r swper grŵp Injaroc yn 1977 a'r grŵp Jîp.[1]

Yn 1974 cyfansoddodd gerddoriaeth agoriadol opera sebon Gymraeg y BBC, Pobol y Cwm, ac mae'r thema wedi ei ddefnyddio mewn sawl fersiwn ers hynny.[1]

Ffilm a theledu[golygu | golygu cod y dudalen]

Cychwynnodd ei yrfa deledu fel sgriptiwr â chyhoeddwr gyda TWW ac yna yn gyflwynydd ar rhai o'r rhaglenni pop cyntaf yn y Gymraeg, yn ogystal a gweithio tu ôl y llenni fel rheolwr llawr. Yn ddiweddarach, roedd yn gynhyrchydd y rhaglen gerddoriaeth Sgrech ar HTV Cymru ar ddiwedd y 1970au. Yn 1983 cyfarwyddodd y rhaglen ddogfen Shampŵ, a enillodd wobr Ysbryd yr Ŵyl yn yr Ŵyl Ffilm a Theledu Geltaidd.

Daeth yn gyfarwyddwr ffilmiau llwyddiannus ac arobryn yn cychwyn gyda'r ffilm Gaucho yn 1984. Sefydlodd gwmni ffilm a theledu Gaucho oedd yn weithgar iawn yn y 1990au.[3]

Yn Mai 2017 derbyniodd Wobr John Hefin am Gyfraniad Oes - cyflwynyd y wobr iddo yng ngŵyl Ffilm Bae Caerfyrddin.[4]

Recordiau[golygu | golygu cod y dudalen]

Searchtool.svg
Prif erthygl: Rhestr o ganeuon a recordiwyd gan Endaf Emlyn
  • Hiraeth (1974, Albwm Feinyl 12", Recordiau'r Dryw WRL 537)
  • Salem (1974, Albwm Feinyl 12", Recordiau Sain 1012M)
  • Syrffio Mewn Cariad (1976, Albwm Feinyl 12", Recordiau Sain 1051M)
  • Halen Y Ddaear - gyda Injaroc (1977, Albwm Feinyl 12", Recordiau Sain 1094M)
  • Dawnsionara (1981, Albwm Feinyl 12", Recordiau Sain 1206M)
  • Dilyn Y Graen - casgliad (2001, Albwm 4 CD, Recordiau Sain SCD 2287)
  • Deuwedd (2009, Albwm CD, Recordiau Sain SCD 2603)

Ffilmiau[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1 1.2 1.3 1.4  BBC Cymru Bywyd - Endaf Emlyn. BBC. Adalwyd ar 1 Mai 2016.
  2. 2.0 2.1  BBC Cymru - Cerddoriaeth - Endaf Emlyn. BBC Cymru. Adalwyd ar 1 Mai 2016.
  3.  Porth - Endaf Emlyn. Coleg Cymraeg Cenedlaethol (18 Awst 2013). Adalwyd ar 1 Mai 2016.
  4. Beti George i dderbyn gwobr cyfraniad oes , Golwg360, 26 Mawrth 2018.

Dolenni allanol[golygu | golygu cod y dudalen]