Elsie Edith Bowerman

Elsie Edith Bowerman
Ganwyd	18 Rhagfyr 1889  Royal Tunbridge Wells
Bu farw	18 Hydref 1973  o trawiad ar y galon  Hailsham
Dinasyddiaeth	Lloegr
Alma mater	Coleg Girton Wycombe Abbey School
Galwedigaeth	llenor, cyfreithiwr, swffragét
Plaid Wleidyddol	Undeb Cymdeithasol a Gwleidyddol y Merched

Ffeminist a chyfreithwraig o Loegr oedd Elsie Edith Bowerman (18 Rhagfyr 1889 - 18 Hydref 1973) sy'n cael ei hystyried yn nodigedig am ei gwaith fel awdur a swffragét, a hefyd am gael ei hachub, wedi i RMS Titanic suddo.

Fe'i ganed yn Royal Tunbridge Wells, Lloegr a bu farw yn Hailsham, Dwyrain Sussex o drawiad ar y galon.

Roedd yn ferch i Edith Martha Barber a'i gŵr William Bowerman. Bu farw ei thad pan oedd yn 5 oed. Aeth i Ysgol Abaty Wycombe yn 11 oed yn 1901, lle daeth dan ddylanwad Frances Dove; yn ddiweddarach ysgrifennodd Elsie Bowerman fywgraffiad iddi. Gadawodd yn 1907 i dreulio amser ym Mharis cyn mynd i Goleg Girton Caergrawnt. Heb unrhyw anogaeth gan y coleg, trefnodd sgyrsiau gan aelodau Undeb Cymdeithasol a Gwleidyddol y Merched (y WSPU).

Y Titanic

Ar 10 Ebrill 1912 gadawodd Elsie Bowerman a'i mam Edith ar fwrdd yr RMS Titanic, gan adael Southampton ar docyn Dosbarth Cyntaf; eu hystafell oedd caban 33 ar ddec E. Y bwriad oedd ymweld ag America a Chanada i weld perthnasau ei thad yng Ngogledd America. Fe'u hachubwyd ar fad achub Rhif 6.

Ymgyrchydd

Wedi'r Rhyfel Byd Cyntaf, yn 1924, cafodd ei derbyn gan y bar. Hi oedd y bargyfreithwraig cyntaf yn yr Old Bailey a gweithiodd oddi yno hyd at 1938. Yn ystod yr Ail Ryfel Byd, gweithiodd yng Ngwasanaethau Gwirfoddol y Merched ac yna gyda'r BBC. Yn 1947 aeth i'r Unol Daleithiau America i gynorthwyo gyda Chomisiwn y Cenhedloedd Unedig ar statws y fenyw. Wedi dychwelyd i Loegr bu'n byw gyda'i mam yn St Leonards-on-Sea ac yna i Hailsham lle bu farw o drawiad ar y galon.

Llyfr a gyhoeddwyd ganddi

• Stands there a School; bywgraffiad i Dame Frances Dove, D.B.E., Sefydlydd Wycombe Abbey School (1965).