Trawiad ar y galon

Oddi ar Wicipedia
Jump to navigation Jump to search
Heart attack diagram.png
Data cyffredinol
Enghraifft o'r canlynolachos marwolaeth, class of disease, symptom or sign (class) Edit this on Wikidata
Mathclefyd y rhydwelïau coronaidd, ischemia, cnawdnychiad, particular disease Edit this on Wikidata
SymptomauPoen y frest, necrosis edit this on wikidata
Tudalen Comin Ffeiliau perthnasol ar Gomin Wicimedia

Aflonyddwch yn y cyflenwad gwaed i gyhyr y galon yw trawiad ar y galon neu cnawdnychiad myocardiaidd.

Y rheswm amlaf am drawiad ar y galon yw rhwystr yn y rhydwelïau coronaidd, y rhydwelïau sy'n arwain o siambrau'r galon at gyhyr y galon, neu'r myocardiwm. Achosir y rhwystr gan haenau o golesterol sy'n adeiladu yn y rhydwelïau, ac yn ffurfio clot.

Mae difrifwch y trawiad yn dibynnu ar leoliad union y clot; os mai i ran fechan o'r cyhyr y rhwystrir cyflenwad y gwaed, gallai'r trawiad ar y galon fod yn fach, heb i'r claf wybod amdano. Ond os rhwystrir cyflenwad y gwaed i ran fwy o'r cyhyr, gall arwain yn gyflym at arest cardiaidd a marwolaeth.

Mae dros 300,000 o bobl yn dioddef o drawiad ar y galon bob blwyddyn yn y DU, ac mae hanner ohonynt yn marw, ond gallai mwy o fywydau gael eu harbed trwy driniaeth cyflym â CPR, diffibriliad a meddyglynnoedd cardiadd. Felly mae GIG Cymru (a gwasanaethau eraill) yn cynghori pobl i alw am ambiwlans pan geir y tybiaeth cyntaf o drawiad ar y galon. Mae'r symptomau mwyaf cyffredin yn cynnwys:

  • diffyg anadl
  • golwg afliwiog neu lwyd, oerni chwysu,
  • poen yng nghanol y frest, gall ymestyn i'r breichiau, i lawr i'r bol neu i fyny i'r gwar
  • chwydu
  • cyfog neu deimlad cyffredinol o salwch
  • ymdeimlad enbyd o fod marwolaeth gerllaw.

Gweler hefyd[golygu | golygu cod y dudalen]

Methiant y galon
Calonnau Cymru