Dinas (cyfres deledu)

Dinas
Genre	Opera sebon
Serennu	Eiry Palfrey Geoffrey Morgan Donna Edwards Christine Pritchard Wynford Ellis Owen Tony Llywelyn Simon Fisher Jennifer Lewis Naomi Jones Iestyn Garlick
Gwlad/gwladwriaeth	Cymru
Iaith/ieithoedd	Cymraeg
Darllediad
Darllediad gwreiddiol	19 Medi 1985 – 1991

Opera sebon Cymraeg oedd Dinas oedd yn dilyn hynt a helynt rhai o Gymry Cymraeg Caerdydd wrth iddynt gydweithio, cyd-fyw a chymdeithasu yn y Brifddinas. Cynhyrchwyd y gyfres gan HTV Cymru a darlledwyd dros 100 pennod o'r gyfres rhwng 1985 ac 1991. Cyhoeddwyd cyfrol am y gyfres gan Hefin Wyn a Hughes a'i Fab ym 1990.

Crynodeb

Clawr y gyfrol am y gyfres

Teulu canolog y gyfres yw’r teulu Ambrose, un o deuluoedd llewyrchus y brifddinas gyda’r penteulu, Paul Ambrose yn rhedeg cwmni llwyddiannus ei deulu Ambrose International. Mae Paul yn teithio’r byd, o Hong Kong i Efrog Newydd, gan adael ei wraig Helen a’i ferch Miriam gartref yn Melbourne House i gecru a ffraeo ymysg ei gilydd. Nid yw Helen yn gweithio, ond treulia ei dyddiau yn ymlacio, siopa a chiniawa gyda ffrindiau, tra mae Miriam ei merch ddwy ar bymtheg yn mynychu’r ysgol breifat ac yn aros allan yn hwyr gyda’i ffrindiau.

Llun o goeden deulu prif deulu'r gyfres

Ffrind pennaf Helen Ambrose yw Ruth Gregory, dynes fusnes llwyddiannus sy’n byw i’w gwaith ac yn rhedeg y cwmni recriwtio GALW ac ar fin sefydlu partneriaeth fusnes â Paul Ambrose. Mae hi’n briod â Robin Gregory, newyddiadurwr i’r South Wales Standard sy’n arbenigo mewn newyddiaduraeth fusnes a materion ariannol, ac sy’n treulio llawer o’i amser yn yfed wisgi yn Mistro y Sgwner yn y Bae.

Llun o gymeriadau'r gyfres

Ynghyd â’u prif fusnes mae gan yr Amrboses fflatiau y maent yn eu gosod ar rent, ac yma y mae rhai o gyn-fyfyrwyr coleg Glannau Hafren (o’r gyfres Coleg) bellach yn byw. Mae Elwyn Scourfield wedi llwyddo i gael swydd dda gyda chwmni electroneg Intern, tra mae ei gyd-fyfyrwyr Carys Jones a Dylan Pierce a’u bryd ar yrfa yn y cyfryngau er bod cael swydd heb gerdyn undeb yn profi’n anoddach na’r disgwyl. Yma hefyd y mae Helga Lewis, un o weithwyr uchelgeisiol cwmni GALW sydd a’i bryd ar lwyddo ym maes recriwtio.

Yn chwilio am swydd hefyd y mae Richard Morris, cyn-ddarlithydd drama yng ngholeg Glannau Hafren, cyn iddo ddod ar draws Peter Jennings sy’n rhedeg y cwmni annibynnol Lens. Ai cynhyrchiad diweddaraf y cwmni ‘Ieuan’ fydd llwyddiant neu fethiant nesaf S4C?

Yn fan cyfarfod i’r cymeriadau i gyd y mae Bistro y Sgwner a chlust barod Jo Benson y rheolwraig. Yma y gwelwn fywydau’r cymeriadau yn cyd-daro a chyd-blethu i ffurfio naratif dramatig a chyffrous cyfres gyntaf Dinas.

Manylion pellach

Teitl Gwreiddiol: Dinas

Blwyddyn: 1985

Dyddiad y Darllediad Cyntaf: 19 Medi 1985

Cyfarwyddwr: Graham Jones / Meredydd Owen / Bryn Richards / Ieuan Davies

Sgriptwyr : Gareth Miles / Dwynwen Berry / Geraint Lewis / Wil Roberts / Angharad Jones / Geraint Jones / Siwan Jones / Manon Rhys

Cynhyrchydd: Graham Jones

Cwmnïau Cynhyrchu: HTV Cymru ar gyfer S4C

Genre: Drama, Opera sebon

Cast a chriw

Prif gast

• Helen Ambrose - Eiry Palfrey
• Paul Ambrose - Geoffrey Morgan
• Miriam Ambrose - Donna Edwards
• Lesley Ambrose - Mair Rowlands
• Ruth Gregory - Christine Pritchard
• Robin Gregory - Wynford Ellis Owen
• Dylan Pierce - Tony Llywelyn
• Elwyn Scourfield - Simon Fisher
• Carys Jones - Jennifer Lewis
• Andy Prosser - Phil Reid
• Helga Lewis - Naomi Jones
• Richard Morris - Iestyn Garlick
• Glyn Evans - Geraint Owen
• Alan Martin - Ian Saynor
• Anthony Ambrose-Powell - Emyr Wyn
• Enfys Taylor - Victoria Plucknett
• Grandma Doyle - Ann Bowen
• Roy Doyle - Frank Rozelaar-Green
• Cynthia Doyle - Myfanwy Talog
• Kevin Doyle - Gary Llywelyn
• Sandra Doyle - Delyth Morgan
• Darren Doyle - Huw Davies
• Tracey Doyle - Anwen Carlisle
• Doug Lewis - Jeff Diamond
• Jo Benson - Siân Owen

Cast cefnogol

• Dt. Brif Arolygydd Jim Butler – David Lyn
• Dt. Arolygydd David Humphreys – Huw Ceredig
• Sarah Knowles – Gillian Elisa
• Phil Jarvis – Noel Williams
• Sian Wyn – Helen Wyn
• Neil Hunt - Owen Garmon
• Jonathan Brooks - Tim Lyn
• Rupert - Wyn Bowen Harries
• Marc Foster - Nicholas McGaughey
• Bethan Saunders - Catrin Powell
• Gareth Saunders - Dewi Rhys Williams
• Linda - Esyllt Harker
• Dafydd - Gareth Stuart
• Gwyn 'Whitey' - Rhys Richards
• Colin Rowlands - Gareth Potter
• Samantha - Bethan Jones
• Manon Eames
• Siw Roderick
• Mari Rowland Hughes
• Lowri-Ann Richards

Dylunio

• Hywel Morris/ Haydn Morgan

Cerddoriaeth

• Myfyr Isaac

Sain

• Mick Perry/ Derek Edwards

Golygu

• Keith Farmer / Bob McAleese

Cydnabyddiaethau eraill

• Camera – Bill Spiers, Terry Humphreys
• Lluniau – Alan Carter, Keith Jones
• Cymysgydd Lluniau – Ros Gatti
• Dybio – Ralph Evans, Phil Robinson
• Goleuo – Peter Stanton
• Coluro – Carole Williams
• Gwisgoedd – Sian Longstaffe
• Graffeg – Stephanie Aplin
• Llwyfannu – Mererid Arch, Hywel Watkins
• Rheolwr Llawr – Iwan Evans
• Rheolwr y Cynhyrchiad – Dennis Morgan
• Cynorthwyydd y Cynhyrchiad – Nia Edwards, Melva Bowen

Manylion technegol

Fformat Saethu: Fideo

Lliw: Lliw

Cymhareb Agwedd: 4:3

Gwlad: Cymru

Llinell Werthu'r Poster: Dinas Caerdydd, Cymry Dinas Caerdydd, pobol byd busnes, pobol y cyfryngau, pobl efo pres, pobol fasa’n lecio tasa ganddo nhw bres, pobol wnaiff unrhywbeth am bres!