Iestyn Garlick

Oddi ar Wicipedia
Jump to navigation Jump to search
Iestyn Garlick
Galwedigaeth actor Edit this on Wikidata

Actor, cynhyrchydd a cyflwynydd teledu Cymreig ydy Iestyn Garlick. Mae'n adnabyddus am ei gymeriad 'Jeifin Jenkins' a oedd yn cyflwyno nifer o raglenni plant ar S4C yn cynnwys HAFoc, Jeifin a Jeifin yn bobman.

Bywyd cynnar[golygu | golygu cod y dudalen]

Fe anwyd Iestyn Garlick yn Nazareth House, Abertawe yn y 1950au, yn blentyn i Mary Rose Donnelly, gyda'r enw Kevin Donnelly. Rhai misoedd yn ddiweddarach fe gafodd ei fabwysiadu gan y bardd Raymond Garlick a'i wraig Elin.[1]

Gyrfa[golygu | golygu cod y dudalen]

Roedd yn aelod o'r grŵp Ac Eraill a perfformiodd yn yr opera roc Nia Ben Aur.

Yn y 1970au cyflwynodd y sioe gerddoriaeth Twndish. Bu'n cyflwyno ar y rhaglen i blant HAFoc fel ei gymeriad Jeifin Jenkins. Roedd yn un o'r cyflwynwyr gwreiddiol ar y rhaglen gylchgrawn Heno yn 1990. Cyflwynodd nifer o raglenni ar S4C yn cynnwys y sioeau cwis Hollol Bananas, Cwist a Sgrin Ti Syniad a'r rhaglenni adloniant Traed Oer, Gemau Heb Ffiniau a Penwythnos Mawr.

Mae'n un o sefydlwyr cwmni cynhyrchu teledu Antena.[2]

Actiodd yn y ffilm Madam Wen (1982) a'r cyfresi teledu Eye of the Dragon (1987) a The Life and Times of David Lloyd George (1981).[3]. Mae'n chwarae rhan y prifathro 'Jim Gym' yn y gyfres deledu Rownd a Rownd.

Mae hefyd wedi bod yn gyhoeddwr cyn gemau rhyngwladol yn Stadiwm y Mileniwm.[4]

Cyfeiriadau[golygu | golygu cod y dudalen]

  1. Safel Cynhyrchu S4C; adalwyd 16 Mehefin 15. Disgrifiad o raglen O'r Galon: Stori Iestyn, i'w darlledu yn 2016.
  2. Antena: 10 o swyddi yn y fantol
  3. Gwefan IMDb Adalwyd 20 Rhagfyr 2010
  4. "The late Huw Ceredig’s best friend Iestyn Garlick on what made the actor so special", WalesOnline; adalwyd 26 Rhagfyr 2011

Dolenni allanol[golygu | golygu cod y dudalen]