Delyth Jewell

Oddi ar Wicipedia
Jump to navigation Jump to search
Delyth Jewell
AS
Delyth Jewell (cropped).jpg
Aelod o Senedd Cymru
dros Ddwyrain De Cymru
Deiliad
Cychwyn y swydd
8 Chwefror 2019 (2019-02-08)[1]
Rhagflaenwyd ganSteffan Lewis
Manylion personol
GanwydDelyth Non Jewell
1987
CenedligrwyddBaner Cymru Cymru
Plaid wleidyddolPlaid Cymru
Alma materColeg Sant Huw, Rhydychen, Coleg yr Iesu, Rhydychen
SwyddGweithiwr elusennol

Gwleidydd Cymreig ac aelod o Blaid Cymru yw Delyth Jewell (ganwyd 1987). Mae'n Aelod o'r Senedd dros ranbarth Dwyrain De Cymru ers 2019.[2]

Roedd yn ail ar rhestr Etholaeth ranbarthol Dwyrain De Cymru ac felly yn dilyn marwolaeth Steffan Lewis cafodd ei dewis i gymryd y sedd. Tyngodd ei llw ar 8 Chwefror 2019.[3]

Bywyd cynnar ac addysg[golygu | golygu cod y dudalen]

Ganwyd Delyth Non Jewell yng Nghaerffili a fe'i magwyd yn Ystrad Mynach.[4] Mynychodd Ysgol Bro Allta ac yna Ysgol Gyfun Cwm Rhymni lle gwnaeth ei lefelau A yn Saesneg, Cymraeg, Hanes a Ffrangeg. Gwnaeth radd Llenyddiaeth Saesneg yng Ngholeg Sant Huw, Rhydychen gan raddio yn 2008. Yn 2009 cwblhaodd ôl-radd Meistri mewn Astudiaeth Celtaidd yng Ngholeg yr Iesu, Rhydychen am ei thraethawd ymchwil ar y gynghanedd yng ngwaith beirdd Eingl-Gymreig. Yn ystod ei chyfnod yn y brifysgol roedd hi'n Llywydd y Gymdeithas Gymreig (Cymdeithas Dafydd ap Gwilym).

Gyrfa[golygu | golygu cod y dudalen]

Wedi gadael Rhydychen, aeth i weithio yn San Steffan, lle'r oedd hi'n ysgrifennydd areithiau ac yn ymchwilydd ar gyfer grŵp Plaid Cymru am bum mlynedd a hanner. Cododd i swydd Pennaeth Ymchwilio a chwaraeodd rôl flaengar mewn ymgyrchoedd wnaeth arwain at gyflwyno cyfreithiau newydd ar stelcian (2012) a thrais domestig (2015). Yn 2014 derbyniodd Gwobr Ymchwilydd Seneddol y Flwyddyn yng ngwobrau DODS tra’r oedd yn gweithio i’r Aelod Seneddol Elfyn Llwyd. Symudodd yn ôl i Gymru yn 2015 i weithio fel Rheolwr Polisi gyda Cyngor ar Bopeth rhwng Mawrth 2015 ac Ebrill 2018. Wedi hynny cychwynnodd weithio i ActionAid fel arbenigwr ar ymgyrchoedd hawliau merched.[5]

Bywyd personol[golygu | golygu cod y dudalen]

Mae'n byw ym Mynwent y Crynwyr. Mae hi'n chwaer i'r academydd ac awdur Rhianedd Jewell.

Cyfeiriadau[golygu | golygu cod y dudalen]

  1. "Delyth Jewell AS - Proffil Aelod o'r Senedd". Senedd Cymru. Archifwyd o'r gwreiddiol ar 2020-06-04. Cyrchwyd 9 Chwefror 2019.
  2. Delyth Jewell fydd yn cymryd lle Steffan Lewis yn y Cynulliad , Golwg360, 16 Ionawr 2019.
  3.  Mae @delythjewell wedi tyngu ei llw a’i derbyn fel aelod Cynulliad newydd Plaid Cymru dros Dde Ddwyrain Cymru. @Plaid_Cymru (8 Chwefror 2019).
  4.  Delyth Jewell - Plaid Cymru. Plaid Cymru (2016). Adalwyd ar 16 Ionawr 2019.
  5.  Delyth Jewell Rheolwr Polisi, Cyngor ar Bopeth.. Cyngor ar Bopeth. Adalwyd ar 16 Ionawr 2019.

Dolenni allanol[golygu | golygu cod y dudalen]