Neidio i'r cynnwys

David Lloyd (tenor)

Oddi ar Wicipedia
David Lloyd
Ganwyd6 Ebrill 1912 Edit this on Wikidata
Trelogan Edit this on Wikidata
Bu farw27 Mawrth 1969 Edit this on Wikidata
Y Rhyl Edit this on Wikidata
DinasyddiaethBaner Cymru Cymru
Alma mater
Galwedigaethcanwr opera Edit this on Wikidata
Arddullopera Edit this on Wikidata
Math o laistenor Edit this on Wikidata

Tenor Cymreig oedd David George Lloyd (6 Ebrill 191227 Mawrth 1969) a anwyd ym Merthengam, Trelogan, Sir y Fflint.

Roedd yn enwog am ganu opera, oratorio, a chyngerdd, ac yn arbennig am ei berfformiadau o Verdi a Mozart. Mae hefyd yn enwog am ganu hen emynau a chaneuon traddodiadol Cymreig. Fe'i dilynir heddiw (2015) gan y tenor Rhys Meirion, un o'i edmygwyr mawr. David Lloyd oedd un o'r cyntaf i fanteisio ar dechnoleg 'newydd' ei oes, sef y gallu i recordio'r llais, er mwyn cyrraedd cynulleidfa ehangach, fyd-eang.

Y cyfnod cynnar

[golygu | golygu cod]
Clawr record Y Llais Arian; (Sain (Records) Ltd; 2009

Roedd yn un o saith o blant, ac roedd ei dad yn lowr; gadwodd yr ysgol pan oedd yn 14 oed er mwyn cychwyn fel prentis saer coed. Cychwynodd eisteddfota'n ifanc iawn ac yn 1933 cychwynodd fel myfyriwr yn y Guildhall School of Music, Llundain, wedi iddo ennill ysgoloriaeth drwy gymorth Walter Hyde. Bu'n gryn llwyddiant yn y coleg a chipiodd sawl gwobr safonol.[1]

Yn 1938 cafodd chwarae rhan Macduff yn yr opera Macbeth gan Verdi - yng Ngŵyl Opera Glyndebourne; dyma oedd y perfformiad cyntaf o'r opera hon yng ngwledydd Prydain.[2] Yna cafodd ran flaenllaw fel y prif denor yng Ngŵyl Mozart yng Ngwlad Belg ac yn ddiweddarach yn y flwyddyn mewn gŵyl Verdi, yn Nenmarc.

Ond pan ddaeth hi'n Rhyfel Byd yn 1939, bu'n rhaid iddo ymuno â'r Y Gwarchodlu Cymreig, lle treuliodd y pum mlynedd nesaf yn filwr ifanc.

Yn 1946 dychwelodd i'r llwyfan, ac ef oedd y prif denor mewn gŵyl yn yr Iseldiroedd: (Gŵyl Mozart a Verdi). O fewn dim, dychwelodd i wledydd Prydain lle bu'n denor yng Ngŵyl Verdi.

Damwain

[golygu | golygu cod]

Tra'n gweithio ar raglen gan y BBC, disgynnodd dros geblau nad oeddent wedi'u gorchuddio, ac anafodd ei asgwrn cefn. Am y chwe mlynedd dilynol, methodd a chanu. Ymddangosodd unwaith - a hynny yn Eisteddfod Rhyngwladol Llangollen yng Ngorffennaf 1960.

Ar 27 Mawrth 1969, bu farw.

Disgyddiaeth

[golygu | golygu cod]
  • Y Caneuon Cynnar, Cyfrol 1: 1940-41 (CD, 1994)
  • Y Canwr Mewn Lifrai, Cyfrol 2 (CD, 1995)
  • Y Llais Arian, Cyfrol 3 (CD, 2002)
Comin Wikimedia
Comin Wikimedia
Mae gan Gomin Wikimedia
gyfryngau sy'n berthnasol i:


Gweler hefyd

[golygu | golygu cod]

Cyfeiriadau

[golygu | golygu cod]
  1. "Archives Network Wales - Papurau David Lloyd". Archifwyd o'r gwreiddiol ar 2016-03-03. Cyrchwyd 2015-02-27.
  2. Norwich, John Julius (1985). Fifty Years of Glyndebourne. London: Jonathan Cape. ISBN 0-224-02310-1., p. 159.