Claire Clancy

Oddi ar Wicipedia
Jump to navigation Jump to search
Claire Clancy
Claire Clancy.jpg
Ganwyd 14 Mawrth 1958 Edit this on Wikidata
Dinasyddiaeth Baner Cymru Cymru
Alma mater
Galwedigaeth gwas sifil Edit this on Wikidata

Claire Clancy (ganwyd 14 Mawrth 1958)[1] oedd Prif Weithredwr a Chlerc Cynulliad Cenedlaethol Cymru rhwng Chwefror 2007 ac Ebrill 2017.[2][3][4]

Cefndir[golygu | golygu cod y dudalen]

Aeth i Ysgol Ramadeg Dartford ar gyfer Merched ac mae ganddi radd mewn seicoleg o'r Brifysgol Agored. Mae'n berchen ar fferm ger y Fenni.

Gyrfa[golygu | golygu cod y dudalen]

Treuliodd Clancy nifer o flynyddoedd yn gweithio o fewn sefydliadau yn y sector gyhoeddus. Cyn iddi ymuno â Chomisiwn y Cynulliad, hi oedd Prif Weithredwr Tŷ'r Cwmnïau,[5] ac yn Gofrestrydd Cwmnïau ar gyfer Lloegr a Chymru. Ymunodd Clancy â Thŷ'r Cwmnïau ym mis Ebrill 2002 o'r Swyddfa Batentau, lle'r oedd yn gyfrifol am y Gwasanaethau Corfforaethol. Fel Prif Weithredwr, Clancy oedd yn gyfrifol am y gwaith cyffredinol o arwain a chyfeirio'r Asiantaeth. Roedd hi'n atebol i'r Adran Masnach a Diwydiant (DTI) a'i Weinidogion am berfformiad a chyllid Tŷ'r Cwmnïau. Roedd ganddi hefyd y rôl statudol ffurfiol rôl o'r Cofrestrydd Cwmnïau ar gyfer Lloegr a Chymru, a hi oedd y fenyw gyntaf i ddal y swydd hon mewn dros 150 o flynyddoedd.

Yn y 1990au hwyr, treuliodd ddwy flynedd ar ynys St Helena ac Ynys Ascension, lle'r oedd ei gŵr, Michael Clancy, yn Brif Ysgrifennydd a Llywodraethwr. Ymunodd â'r gwasanaeth sifil yn 1977 ac mae wedi gweithio yn y Comisiwn Gwasanaethau Gweithwyr, yr Adran Gyflogaeth, Swyddfa'r Llywodraeth ar gyfer y De-Orllewin ac roedd yn Brif Weithredwr Cyngor Hyfforddiant a Menter Powys.

Cychwynnodd Clancy ei swydd fel Prif Weithredwr a Chlerc y Cynulliad Cenedlaethol ym mis Chwefror 2007. Cafodd y swydd ei greu i adlewyrchu pwerau cynyddol y Cynulliad yn sgil Deddf Llywodraeth Cymru 2006. O fis Mai 2007, roedd y Prif Weithredwr a'r Clerc yn arwain sefydliad sy'n annibynnol o Lywodraeth Cynulliad Cymru ac yn gyfrifol am sicrhau bod y Cynulliad yn cael ei ddarparu gyda'r adeiladau, y staff a'r gwasanaethau sydd eu hangen arno.

Swyddi[golygu | golygu cod y dudalen]

Cynulliad Cenedlaethol Cymru
Rhagflaenydd:
Paul Silk
Clerc Cynulliad Cenedlaethol Cymru
Prif Weithredwr a Chlerc Cynulliad Cenedlaethol Cymru
20072017
Olynydd:
Manon Antoniazzi

Cyfeiriadau[golygu | golygu cod y dudalen]

  1. "Birthdays", The Guardian: 39, 14 March 2014 (help)
  2. Manon Antoniazzi fydd Prif Weithredwr a Chlerc nesaf y Cynulliad , BBC Cymru Fyw, 25 Ionawr 2017.
  3. "Chief Executive and Clerk of the Assembly". National Assembly of Wales. Cyrchwyd 9 September 2010.
  4. Hutchinson, Clare (Jul 25, 2010). "Bay chief's pay packet puts Carwyn's in shade". Media Wales. http://www.walesonline.co.uk/news/wales-news/2010/07/25/bay-chief-s-pay-packet-puts-carwyn-s-in-shade-91466-26924835/. Adalwyd 9 September 2010.
  5. Sukhraj, Penny (19 Mar 2007). "New chief exec for Companies House". Accountancy Age. http://www.financialdirector.co.uk/accountancyage/news/2185849/ceo-companies-house. Adalwyd 9 September 2010.