Cilpeddeg
Feb2006.jpg) | |
| Math | pentref, plwyf sifil  |
|---|---|
| Ardal weinyddol | Swydd Henffordd (Awdurdod unedol) |
| Poblogaeth | 499 |
| Daearyddiaeth | |
| Sir | Swydd Henffordd (Sir seremonïol) |
| Gwlad |  Lloegr |
| Cyfesurynnau | 51.9697°N 2.81°W |
| Cod SYG | E04000784, E04012987 |
| Cod OS | SO444304 |
| Cod post | HR2 |
 | |
Pentref a phlwyf sifil yn Swydd Henffordd, Gorllewin Canolbarth Lloegr, yw Cilpeddeg (Saesneg: Kilpeck).[1] Saif tua 9 milltir o Henffordd, i'r de o ffordd yr A465 i'r Fenni, a thua 5 milltir o ffin Cymru a Lloegr.
Yng Nghyfrifiad 2021 roedd gan y plwyf sifil boblogaeth o 495.[2]
Enwir eglwys Cilpeddeg fel "Lann Degui Cil Pedec" (sef Llanddewi Cilpeddeg) mewn rhestr o eglwysi a luniwyd tua 1120 yn Llyfr Llandaf .[3] Mae'r eglwys bellach wedi ei chysegu i Ddewi a Mair, ac mae'r adeilad yn enghraifft flaenllaw o bensaernïaeth Normanaidd (neu Romanesg). Adeiladwyd hi tua 1140.
Bu hefyd castell mwnt a beili Normanaidd ar y safle ond nid yw hwnnw bellach yn sefyll.
Hyd at y 9g, pan orchfygwyd yr ardal o'i amgylch gan Mersia, bu'r pentref yn rhan o deyrnas Ergyng. Wedi'r Concwest Normanaidd daeth yr ardal i gael ei alw'n Archenfield ac fe'i llywodraethwyd fel rhan o'r Mers. Daeth yn rhan o Swydd Henffordd yn yr 16g, ond parhaodd defnydd o'r Gymraeg yno hyd at y 19g.
Gweler hefyd
[golygu | golygu cod]Cyfeiriadau
[golygu | golygu cod]- ↑ British Place Names; adalwyd 19 Mawrth 2024
- ↑ City Population; adalwyd 19 Mawrth 2024
- ↑ Coe, Jonathan Baron (2001). The Place-Names of the Book of Llandaf (PDF). Aberystwyth: PhD Prifysgol Cymru. t. 415.