Brigitte Bardot

Brigitte Bardot
Ganwyd	Brigitte Anne-Marie Bardot  28 Medi 1934  Paris
Man preswyl	Paris, Seine-Saint-Denis
Label recordio	MGM Records, Philips Records
Dinasyddiaeth	Ffrainc
Alma mater	Cours Hattemer Conservatoire de Paris
Galwedigaeth	canwr, hunangofiannydd, actor ffilm, ymgyrchydd dros hawliau anifeiliaid, artist recordio, dawnsiwr, model ffasiwn, ysgrifennwr, amddiffynwr hawliau dynol, person cyhoeddus, actor
Taldra	166 centimetr
Tad	Louis Bardot
Mam	Anne-Marie Mucel
Priod	Roger Vadim, Jacques Charrier, Gunter Sachs, Bernard d'Ormale
Partner	Gilbert Bécaud, Serge Gainsbourg
Plant	Nicolas-Jacques Charrier
Gwobr/au	Gwobr Bambi, Order of the Golden Ark, Prix des intellectuels indépendants, Légion d'honneur, David di Donatello
Gwefan	https://www.fondationbrigittebardot.fr/
llofnod

Actores Ffrengig ac ymgyrchydd dros hawliau anifeiliaid yw Brigitte Anne-Marie Bardot, a adnabyddir fel rheol fel Brigitte Bardot (ganed 28 Medi 1934).

Ganed hi yn ninas Paris. Gyrrodd ei mam hi a'i chwaer Marie-Jeanne i wersi dawnsio. a phenderfynodd Brigitte fynd yn ddawnswraig bale. Aeth i'r Conservatoire de Paris yn 1947, ac astudiodd fale dan y Rwsiad Boris Knyazev. Wedi gadael y Conservatoire, daeth yn fodel, yna cafodd ran mewn ffilm wedi i'r cyfarwyddwr Roger Vadim sylwi arni. Ymddangosodd yn ei ffilm gyntaf, Le Trou Normand, yn 1952, a'r un flwyddyn priododd Vadim.

Yn y 1950au a'r 1960au, ymddangosodd mewn nifer fawr o ffilmiau, yn Ffrangeg a Saesneg, a daeth yn fyd-enwog. Mewn ffilmiau poblogaidd fel Et Dieu crea la femme, gwnaeth lawer i boblogeiddio'r bicini. Ysgarodd Vadim yn 1957, ac yn 1959 priododd yr actor Jacques Charrier. Yn ddiweddarach, bu'n briod a Gunter Sachs a Bernard d'Ormale.

Ymddeolodd o ffilmiau yn y 1970au. Yn y 1990au daeth Bardot yn adnabyddus fel ymgyrchydd dros hawliau anifeiliaid, a daeth hyn a hi i wrthdrawiad ag Islam. Mae wedi cael ei dirwyo nifer o weithiau am sylwadau a ystyrid yn hiliol.