Bleddyn ap Cynfyn

Oddi ar Wicipedia
Jump to navigation Jump to search
Bleddyn ap Cynfyn
Ganwyd 11G Edit this on Wikidata
Bu farw 1075 Edit this on Wikidata (74 oed)
Dinasyddiaeth Baner Cymru Cymru
Galwedigaeth Tywysog, teyrn Edit this on Wikidata
Swydd Teyrnas Powys, Teyrnas Gwynedd Edit this on Wikidata
Tad Cynfyn ap Gwerstan Edit this on Wikidata
Mam Angharad ferch Maredudd Edit this on Wikidata
Plant Cadwgan ap Bleddyn, Madog ap Bleddyn, Rhiryd ap Bleddyn, Iorwerth ap Bleddyn, Maredudd ap Bleddyn Edit this on Wikidata

Roedd Bleddyn ap Cynfyn (m. 1075) yn frenin Gwynedd a Powys.

Bywgraffiad[golygu | golygu cod y dudalen]

Roedd Bleddyn yn fab i Cynfyn ap Gwerstan o hil brenhinol Powys. Pan laddwyd Gruffydd ap Llywelyn gan ei wyr ei hun ar ôl ei orchfygu gan Harold Godwinson yn 1063, rhannwyd ei deyrnas rhwng nifer o dywysogion. Talodd Bleddyn a'i frawd Rhiwallon wrogaeth i Harold a derbyniasant deyrnasoedd Gwynedd a Phowys. Yn 1067 ymunodd Bleddyn a Rhiwallon ag Eadric o Fercia i ymosod ar y Normaniaid yn Henffordd, yna yn 1068 gwnaethant gynghrair a'r Iarll Edwin o Mercia a'r Iarll Morcar o Northumbria i ymosod ar y Normaniaid eto.

Ceisiodd dau fab Gruffydd ap Llywelyn gipio'r deyrnas o ddwylo Bleddyn, ond gallodd eu gorchfygu ym mrwydr Mechain yn 1070. Lladdwyd un o'r ddau yn y frwydr a bu farw'r llall o oerni ar ôl y frwydr. Lladdwyd Rhiwallon, brawd Bleddyn, yn y frwydr hon hefyd, ac o hynny ymlaen bu Bleddyn yn teyrnasu ar Wynedd a Phowys ei hun tan ei farwolaeth. Fe'i lladdwyd yn 1075 gan Rhys ab Owain ag uchelwyr Ystrad Tywi, llofruddiaeth a barodd fraw trwy Gymru. Yn ôl Brut y Tywysogion yr oedd Bleddyn yn frenin daionus ac yn gyfrifol am ddiweddaru cyfraith Hywel Dda.

O'i flaen :
Gruffydd ap Llywelyn
Brenhinoedd Gwynedd Olynydd :
Trahaearn ap Caradog
Brenhinoedd Powys Olynydd :
Maredudd ap Bleddyn
(fel Tywysog Powys)