Terwyn Davies: Gwahaniaeth rhwng fersiynau
Dim crynodeb golygu |
Dim crynodeb golygu |
||
Llinell 25: | Llinell 25: | ||
[[Categori:Genedigaethau 1979|Davies, Terwyn]] |
[[Categori:Genedigaethau 1979|Davies, Terwyn]] |
||
[[Categori:Pobl o Geredigion|Davies, Terwyn]] |
[[Categori:Pobl o Geredigion|Davies, Terwyn]] |
||
[[en:Terwyn Davies]] |
Fersiwn yn ôl 16:50, 25 Ionawr 2008
Darlledwr yw Terwyn Davies (ganwyd 3 Ebrill 1979). Magwyd yn Nyffryn Aeron, Ceredigion, a chafodd ei addysg yn Ysgol Gynradd Felin Fach ac yna Ysgol Gyfun Aberaeron. Aeth yn ei flaen i Brifysgol Cymru Bangor i ddilyn cwrs gradd mewn Cyfathrebu, a chwrs ôl-radd mewn Newyddiaduraeth.
Radio Ceredigion
Ymunodd â thîm cyflwyno Radio Ceredigion yn 1995, gan gyflwyno rhaglenni amrywiol fel "Yr Awr Gyfarchion" ac "Ar Dramp", a dwy awr o gerddoriaeth gwlad wythnosol "Gore Gwlad" - oedd yn cynnwys y gorau o ganu gwlad newydd o'r UDA a chymysgedd o gerddoriaeth Cymraeg hefyd.
BBC Radio Cymru
Yn Hydref 1999 tra yn y coleg ym Mangor, ymunodd â thîm cyflwyno BBC Radio Cymru lle bu'n cyd-gyflwyno Gang Bangor gyda Dylan Wyn ac Owain Gwilym. Yn 2000, cafodd bartner darlledu newydd - Stephen Edwards a bu'r ddau'n darlledu ar y cyd ar Gang Bangor, cyn ymuno â rhaglen C2.
Bu Terwyn yn cyd-gyflwyno slot hwyr C2 bob nos Iau a nos Wener rhwng 11 ac 1 yng nghwmni Stephen Edwards a Jeni Lyn, ac C2 ar fore Sadwrn rhwng 10.30 a 12.30pm. Yn ddiweddarach, symudwyd y slot foreol i slot yn y prynhawn rhwng 12.30 a 2pm o dan yr enw Steve a Terwyn.
Yn Hydref 2007, fel rhan o newidiadau i ail-strwythuro gwasanaeth C2, daeth rhaglenni Steve a Terwyn i ben. Yn Ionawr 2008, ymunodd Terwyn â thîm rhaglen Galwad Cynnar ar Radio Cymru fel gohebydd.
Teledu Telesgôp a rhaglen Ffermio
Yn ei fywyd personol, mae Terwyn wedi gweithio i gwmni cynhyrchu Teledu Telesgôp ers 2001 lle dechreuodd ei yrfa fel ymchwilydd ar raglen Ffermio. Mae bellach yn gynhyrchydd rhyngweithiol yn gyfrifol am wefan Ffermio a gwasanaeth botwm coch sy'n cyd-fynd â'r rhaglen.
Mae i'w glywed hefyd yn darllen y newyddion ar raglen Bwletin Ffermio bob dydd Mawrth a dydd Gwener am 12.20pm ar S4C Digidol.
Yn ei fywyd preifat, mae Terwyn wedi dioddef o atal dweud ers yn blentyn, a gwnaeth hyn greu trafferthion iddo yn ystod ei blentyndod a'i arddegau. Oherwydd ei brofiad ar y radio ar hyd y blynyddoedd, mae bellach wedi dysgu i reoli'r atal dweud ac mae'r cyflwr bron yn diflannu'n gyfangwbl tra'i fod yn darlledu.
Mae Terwyn bellach wedi ymgartefu gyda'i wraig yn ardal Tanerdy yn nhref Caerfyrddin.