Afon Ganol

Oddi ar Wicipedia
Jump to navigation Jump to search
Tarddiad Afon Ganol ger Llangwstennin

Afon yn Sir Conwy, gogledd Cymru yw Afon Ganol. Mae'n llifo o'r bryniau ger Mochdre i gyrraedd Môr Iwerddon ger Bae Penrhyn. Ei hyd yw tua 4 milltir.[1]

Cwrs[golygu | golygu cod y dudalen]

Mae'r afon yn tarddu yn y bryniau rhwng Bryn-y-maen a Llansanffraid Glan Conwy, i'r de-orllewin o dref Bae Colwyn. Llifa ar gwrs i gyfeiriad y gogledd i'r dyffryn llydan gwastad ger Mochdre (hen gwrs Afon Conwy yn y cyfnodau cynhanesyddol) lle mae'n llifo dan yr A55 a Rheilffordd Arfordir Gogledd Cymru gan droi i gyfeiriad y dwyrain. Ger Mochdre mae'n newid cyfeiriad eto i lifo i gyfeiriad y gogledd rhwng Llangystennin a Bryn Euryn. Mae'n mynd heibio i Llandrillo-yn-Rhos a thrwy Glwb Golff Bae Penrhyn i aberu yn y môr rhwng Bae Penrhyn a Llandrillo.[1]

Geirdarddiad[golygu | golygu cod y dudalen]

Cyfeiria'r enw at y ffaith fod yr afon yn dynodi'r hen ffin sirol rhwng Sir Gaernarfon a'r hen Sir Ddinbych.

Cyfeiriadau[golygu | golygu cod y dudalen]

  1. 1.0 1.1 Map OS 1:50,000 Dinbych a Bae Colwyn

Gweler hefyd[golygu | golygu cod y dudalen]