Xi'an

Oddi ar Wicipedia
Neidio i: llywio, chwilio
Muriau dinas Xi'an

Prifddinas talaith Shaanxi yng nghanolbarth Gweriniaeth Pobl Tsieina yw Xi'an (西安). Roedd y boblogaeth yn 2002 yn 2,872,539 gyda 7.5 miliwn yn yr ardal ddinesig. Hen enw'r ddinas oedd Chang'an (长安, 長安).

Saif Xi'an ar afon Wei he, yn weddl agos at ei chymer gyag afon Huang He. Yma yr oedd pen dwyreiniol Ffordd y Sidan. Bu'n brifddinas Tsieina yng nghyfnod Brenhinllin Tang, ac roedd y boblogaeth dros filiwn yn y cyfnod yma.

Ystyrir y ddinas fel un o ganolfannau hen wareiddiad Tsieina. Roedd prifddinas Brenhinllin Qin gerllaw, ac yma mae y Fyddin Derracotta enwog, sy'n gwarchod bedd yr ymerawdwr cyntaf, Qin Shi Huangdi.