Charente

Oddi ar Wicipedia
Neidio i: llywio, chwilio
Lleoliad Charente yn Ffrainc

Un o départements Ffrainc, yn rhanbarth Poitou-Charentes yng ngorllewin canolbarth y wlad, ydy Charente (Saintongeais: Chérente, Ocsitaneg: Charanta). Cafodd ei henwi ar ôl yr Afon Charente, yr afon bwysicaf yn y département, mae dinasoedd mwyaf y département ar hyd yr afon hon. Ei phrifddinas ydy Angoulême ac ynddi hefyd y mae trefi Cognac a Confolens.

Hanes[golygu]

Cafodd y Charente ei chreu yn y Chwyldro Ffrengig allan o'r hen dalaith Angoumois. Yn y 19eg ganrif cafwyd cyfnod o ffyniant, a chyrhaeddodd y boblogaeth uchafbwynt yn 1851. Yn 1872 daeth adfail i'r diwydiant gwin yn ffurf y phylloxera.

Roedd y boblogaeth yn sefydlog drwy'r ugeinfed ganrif: tua 340,000. Mae dipyn o ddatblygiad o gwmpas Angoulême wedi ychwanegu tua 10,000 arall ar ben hyn.

Mae'r Charente wedi ennill ei blwyf gan bobl o wledydd Prydain sydd wedi ymddeol. Yn 2006 roedd yna dros 5,000 o ddinasyddion Prydeinig yn y département[1].

Daearyddiaeth[golygu]

Mae'r Charente yn cwmpasu arwynebedd o 5,956 km².

Mae'r rhan fwyaf yn rhan o'r Basn Aquitaine. Mae'r Afon Charente yn llifo drwy'r département a hefyd y département Charente-Maritime.

Mae'r département yn y rhanbarth Poitou-Charentes, efo Charente-Maritime, Deux-Sèvres a Vienne. Hefyd mae'n rhannu ffin efo'r Dordogne a Haute-Vienne.

Cyfeiriadau[golygu]