Y Lindysyn Llwglyd Iawn

Oddi ar Wicipedia
Jump to navigation Jump to search
US Army 53191 Fort Belvoir Elementary School students read for the record.jpg
Data cyffredinol
Enghraifft o'r canlynolgwaith llenyddol Edit this on Wikidata
AwdurEric Carle Edit this on Wikidata
CyhoeddwrG. P. Putnam's Sons, Hamish Hamilton, Human & Rousseau Edit this on Wikidata
IaithSaesneg Edit this on Wikidata
Dyddiad cyhoeddi1969 Edit this on Wikidata
Genrellenyddiaeth plant Edit this on Wikidata
Prif bwncLindys, bwyta, metamorffosis Edit this on Wikidata


Clawr y llyfr Cymraeg

Llyfr lluniau plant gan Eric Carle ydy Y Lindysyn Llwglyd Iawn (Teitl gwreiddiol Saesneg:The Very Hungry Caterpillar, cyhoeddwyd 1969). Addaswyd i'r Gymraeg gan Cynthia Saunders Davies a cyhoeddwyd gan y Dref Wen ym mis Hydref 2007.[1]

Mae'r llyfr yn boblogaidd iawn ac mae wedi ennill clôd am y geiriau sy'n hawdd i'w darllen, ac yn gwneud y llyfr yn dda iawn ar gyfer dysgu plant ifanc i ddarllen. Cafodd ei chyfieithu i dros 50 o ieithioedd hyd 50, a nifer mwy ers hynny, gwerthwyd copi o'r llyfr pob 57 eiliad ar gyfartaledd yn 2005. Ymddangosodd y llyfr ar Sesame Street yn yr 1990au cynnar. Mae hefyd wedi cael ei addasu ar fideo gan The Walt Disney Company fel rhan o antholeg sy'n cynnwys pedair llyfr arall gan Carle.

Mae testun bras a darluniau mawr lliwgar y llyfr yn dilyn hanes lindysyn fel mae'n bwyta ei ffordd drwy amryw o fwydydd megis hufen iâ, salami, melon ddŵr a lolipop cyn troi i mewn i pwpa a dad allan fel glöyn byw. Mae'r stori'n dysgu am gylched bywyd y glöyn byw, cyfrif i 5, enwau dyddiau'r wythnos ac am fwyd.

Teitl gwreiddiol y llyfr oedd A Week with Willi Worm, yn dilyn hanes abwydyn llyfr, ond fe gynghorodd golygydd Carle iddo na fuasai abwydyn gwyrdd yn brif gymeriad hoffus iawn. Roedd sôn y gwerthwyd y hawliau ffilm am £1 miliwn.[2]

Rhestrodd George W. Bush y llyfr ymysg ei ffefrynnau pan oedd yn tyfu i fyny, mewn arolwg gan Pizza Hut yn 1999. Fe achosodd hyn gryn gontrofersi ymysg sylwebwyr y cyfryngau gan na chyhoeddwyd y llyfr tan oedd Bush yn 23 oed.[3][4] Dewisodd Bush y llyfr i'w ddarllen i ddosbarthiadau ysgol elfennol.[5]

Ffynonellau[golygu | golygu cod y dudalen]

  1. Manylion llyfr
  2. [1]
  3. [2]
  4. [3]
  5. "copi archif". Archifwyd o'r gwreiddiol ar 2002-04-22. Cyrchwyd 2007-12-11.

Dolenni Allanol[golygu | golygu cod y dudalen]