Y Cob, Porthmadog

Oddi ar Wicipedia
Neidio i: llywio, chwilio
YCob01LB.jpg

Cynlluniwyd Y Cob, Porthmadog gan William Alexander Madocks. Pasiwyd deddf i adeiladu’r Cob ym 1807 a phrynodd Madocks Fferm Penrhyn Isaf i gael meini i adeiladu’r Cob. Bwriad gwreiddiol Madocks oedd sychu ei dir ar Traeth Mawr, ond aeth gam ymlaen i osod ffordd i Borthdinllaen, gyda fferiau'n mynd o Borthdinllaen i'r Iwerddon.

Gweithiodd dros 400 o bobl, ac adeiladwyd gweithdai a llety i’r geithwyr yn Boston Lodge. Agorwyd y Cob ar 17 Medi 1811, a chynhaliwyd gwledd ac eisteddfod. Dinistriwyd rhan o’r Cob gan storm ar 14 Chwefror 1812; codwyd swm sylweddol gan bobl leol, ac ailagordwyd y Cob ym 1814.

Roedd tollborth ar y Cob o’r dechrau, tan 2003, pan prynodd Llywodraeth Cymru’r safle.[1]

Newidwyd cwrs Afon Glaslyn gan y Cob, a datblygodd harbwr Porthmadog i allforio cynnyrch y chwareli llechi ym Mlaenau Ffestiniog, a daeth y cynnyrch hwn ar draws y Cob ar Reilffordd Ffestiniog.[2]

Cyfeiriadau[golygu | golygu cod y dudalen]