Wedi 7

Oddi ar Wicipedia
Wedi 7

Logo Wedi 7
Genre Rhaglen gylchgrawn
Gwlad/gwladwriaeth Baner Cymru Cymru
Iaith/ieithoedd Cymraeg
Cynhyrchiad
Amser rhedeg c.30 munud
Darllediad
Sianel wreiddiol S4C
Darllediad gwreiddiol 7 Ionawr 200228 Mawrth 2012
Cysylltiadau allanol
Gwefan swyddogol

Rhaglen gylchgrawn ar y sianel Gymraeg S4C oedd Wedi 7. Cyn i'r amser darlledu gael ei newid yn 2003, darlledwyd hi o dan yr enw Wedi 6. Enw'r rhaglen flaenorol yn yr un slot oedd Heno. Cynhyrchir y rhaglen gan gwmni Tinopolis.

Darlledwyd y rhaglen yn gyntaf ar nos Lun, 7 Ionawr, 2002 gyda Angharad Mair yn cyflwyno a Catrin Evans yn cyfweld y gwleidydd Rod Richards a Gwyn Llywelyn yn holi Brif Gwnstabl Gogledd Cymru ar y pryd, Richard Brunstrom, yn ei gyfweliad Cymraeg cyntaf. Mewn adolygiad, dywedodd Ffion Emlyn mai dechrau digon nerfus oedd i'r rhaglen a nododd mai "Heno mewn clogyn newydd" oedd y rhaglen.[1]

Darlledwyd y rhifyn olaf ar nos Fercher, 28 Mawrth, 2012 wrth i S4C ail-drefnu'r amserlen, yn dilyn toriadau enbyd i gyllid y sianel. Ar y 1af o Fawrth fe lansiwyd rhaglen newydd yn yr un slot am 7 o'r gloch a fe ddychwelyd i'r enw gwreiddiol Heno.

Cynnwys y Rhaglen[golygu | golygu cod]

Angharad Mair oedd prif gyflwynydd a golygydd y rhaglen, gyda Branwen Gwyn, Heledd Cynwal a John Hardy yn cyflwyno o bryd i'w gilydd. Roedd y rhaglen hanner awr yn cynnwys straeon ysgafn o Gymru gyda phwyslais ar hamdden, adloniant, diwylliant a digwyddiadau led led Cymru a thu hwnt. Roedd y rhaglen yn rhoi sylw hefyd i Gymry sydd wedi cael llwyddiant y tu allan i ffiniau'r wlad. Pob nos, roedd gwestai adnabyddus yn ymuno â'r cyflwynydd yn y stiwdio. Roedd yna dîm o ohebyddion o Lanelli a Chaernarfon yn dod ag adroddiadau byw i'r rhaglen bob nos. Ers mis Hydref 2008, darlledwyd y rhaglen 5 gwaith yr wythnos yn hytrach na 4 noson fel y gwnaed cyn hynny.

Roedd hefyd chwaer-raglen o'r enw Wedi 3 a ddarlledwyd am awr bob pnawn ar S4C Digidol yn unig. Prif gyflwynwyr y rhaglen honno oedd John Hardy ac Elinor Davies. Roedd y rhaglen yn canolbwyntio'n bennaf ar sgyrsiau yn y stiwdio gyda gwestai rheolaidd yn dod i siarad am bynciau fel coginio a ffasiwn ac adolygu'r papurau newydd ac adolygiadau o'r llyfrau diweddaraf.

Cyfeiriadau[golygu | golygu cod]

  1.  Ffion Emlyn yn trafod rhaglenni teledu. BBC Cymru'r Byd (16 Ionawr 2002). Adalwyd ar 14 Ebrill 2016.

Dolenni allanol[golygu | golygu cod]

Eginyn erthygl sydd uchod am deledu. Gallwch helpu Wicipedia drwy ychwanegu ato