Vitus Bering

Oddi ar Wicipedia
Vitus Bering
Darlun o Vitus Bering (neu efallai o'i ewythr)
GanwydVitus Jonassen Bering Edit this on Wikidata
5 Awst 1681 Edit this on Wikidata
Horsens Edit this on Wikidata
Bedyddiwyd12 Awst 1681 Edit this on Wikidata
Bu farw8 Rhagfyr 1741 (yn y Calendr IwliaiddEdit this on Wikidata
o clefri poeth Edit this on Wikidata
Ynys Bering Edit this on Wikidata
DinasyddiaethBrenhiniaeth Denmarc, Ymerodraeth Rwsia Edit this on Wikidata
Galwedigaethfforiwr, hydrograffydd, swyddog yn y llynges, morwr Edit this on Wikidata
PriodAnna Bering Edit this on Wikidata
PerthnasauVitus Bering Edit this on Wikidata
llofnod

Roedd Vitus Jonassen Bering, weithiau Behring, (bedyddiwyd 5 Awst 168119 Rhagfyr 1741) yn forwr a fforiwr Danaidd yn llynges Rwsia, a adnabyddid gan y morwyr Rwsaidd fel Ivan Ivanovich. Ganed Bering yn Horsens, Denmarc a bu farw ar Ynys Bering, ger Gorynys Kamchatka.

Wedi mordaith i India'r Dwyrain, ymunodd a'r llynges Rwsaidd yn 1703. Priododd wraig o Rwsia, ac wedi ymweliad byr â Horsens yn 1715 ni ddychwelodd yno wedyn. Yn 1725, teithiodd ar dir i Okhotsk, croesodd i Kamchatka, ac adeiladodd y llong Sviatoi Gavriil (Sant Gabriel). Ar y llong yma, hwyliodd Bering tua'r gogledd yn 1728, hyd na allai weld rhagor o dir tua'r gogledd na'r dwyrain.

Y flwyddyn wedyn bu'n chwilio am dir i'r dwyrain, gan ail-ddarganfod Ynys Ratmanov, un o Ynysoedd Diomede. Yn 1730 dychwelodd i Sant Petersburg, ond yn ystod y daith hir trwy Siberia bu ef yn wael iawn a bu farw pump o'i blant. Dychwelodd i Okhotsk yn 1735, lle'r adeiladwyd dwy long: Sviatoi Piotr (Sant Pedr) a Sviatoi Pavel (Sant Paul). Yn 1740 sefydlodd Petropavlovsk yn Kamchatka. Oddi yno hwyliodd i gyfeiriad Gogledd America yn 1741, gan gyrraedd arfordir deheuol Alaska.

Ar y ffordd yn ôl, darganfuwyd rhai o Ynysoedd Aleutia, ond dirywiodd iechyd Bering a bu raid glanio ar ynys ym Môr Bering lle bu farw ar 19 Rhagfyr 1741. Enwyd yr ynys ar ei ôl. Heblaw y môr a'r ynys, mae Culfor Bering yn dwyn ei enw.