Tommo - Stori'r Sŵn Mawr

Oddi ar Wicipedia
Jump to navigation Jump to search
Tommo: Stori'r Sŵn Mawr  
Awdur Andrew Thomas a Terwyn Davies
Gwlad Cymru
Iaith Cymraeg
Cyhoeddwr Gwasg Gomer
Tudalennau 120
ISBN 9781848518971
Argaeledd Ar gael

Cyfrol o straeon gan Andrew Thomas a Terwyn Davies yw Tommo: Stori'r Sŵn Mawr a gyhoeddwyd yn 2014 gan Wasg Gomer. Man cyhoeddi: Llandysul, Cymru.[1]

Cyfrol yn llawn o ddarluniau a straeon difyr yn adrodd hanes y DJ bywiog a swnllyd Andrew "Tommo" Thomas (neu i roi ei enw llawn: Andrew Paul Thomas) o Aberteifi, un o gyflwynwyr y prynhawn ar Radio Cymru. Un o Grymych yw ei dad.

Gadawodd yr ysgol cyn gynted ag y medrai, cario'r post, cynnal discos yn Aberteifi ac yn Sbaen, torri beddau, gweithio mewn siop cigydd, ac yna dechrau darlledu ar Radio Ceredigion. Nodir fod nifer o ddarlledwyr adnabyddus wedi dechrau eu gyrfaoedd yn gweithio'n ddi-dâl ar yr orsaf honno.

Mae'r darlun o sut mae'r gorsafoedd masnachol, lleol hyn yn cael eu rhedeg yn agoriad llygad, ac mae'n amlwg eu bod yn llefydd delfrydol i ddysgu'r grefft os yw'r egni a'r awydd gennych chi. Ac mae gan Tommo lond sied wair o egni a brwdfrydedd. Ar yr adeg yr unwyd gorsafoedd radio y de-orllewin – Radio Ceredigion, Radio Sir Benfro, Radio Sir Gâr, Scarlet FM a Nation Hits yn ardal Abertawe – roedd e'n gwneud pum rhaglen yr un pryd ar bum gorsaf wahanol! Ac yn gwneud y cyhoeddiadau ar Barc y Scarlets ar brynhawniau Sadwrn.


Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Gwefan Gwales; adalwyd 1 Awst 2017