The Prime Minister (ffilm)

Oddi ar Wicipedia
Jump to navigation Jump to search
Poster The Prime Minister (ffilm 1941).jpg
Data cyffredinol
Enghraifft o'r canlynol ffilm Edit this on Wikidata
Lliw/iau du-a-gwyn Edit this on Wikidata
Gwlad Baner Lloegr Lloegr
Dyddiad cyhoeddi 1941 Edit this on Wikidata
Genre biographical film, drama Edit this on Wikidata
Cyfansoddwr Jack Beaver Edit this on Wikidata

Mae The Prime Minister yn ffilm ddrama hanesyddol Seisnig o 1941 wedi'i chyfarwyddo gan Thorold Dickinson ac yn serennu John Gielgud, Diana Wynyard, Fay Compton a Stephen Murray. Mae'r ffilm yn adrodd hanes bywyd gwleidyddol a phersonol Prif Weinidog y Cyfnod Fictoraidd, Benjamin Disraeli. [1]

Cast[golygu | golygu cod y dudalen]

Plot[golygu | golygu cod y dudalen]

Mae'r ffilm yn adrodd hanes ac amseroedd Benjamin Disraeli, a ddaeth yn Brif Weinidog y Deyrnas Unedig. Gwasanaethodd fel Prif Weinidog rhwng Chwefror a Rhagfyr 1868 a rhwng 1874 a 1880, bu hefyd yn Arweinydd yr Wrthblaid a Changhellor y Trysorlys. Mae'n darlunio ei briodas hir â'r Gymraes Mary Disraeli a'i berthynas ag amryw o ffigurau cyhoeddus eraill yr oes gan gynnwys William Gladstone, yr Arglwydd Melbourne a'r Frenhines Victoria . Yn ddiweddarach, byddai Gielgud yn adfer ei rôl fel Disraeli yn nrama deledu ITV Edward the Seventh (1975).

Saethwyd y ffilm yn Teddington Studios gan adran Brydeinig cwmni ffilmiau Warner Brothers. Roedd y cwmni eisoes wedi gwneud biopic llwyddiannus am yr un Brif Weinidog o dan y teitl Disraeli ym 1929.

Nid yw'r ffilm yn ail bobi ffilm 1929. Roedd Disraeli 1929 yn darlunio digwyddiad unigol yn hwyr yng ngyrfa Disraeli, (sef prynu Camlas Suez ym 1878). Mae The Prime Minister yn gofiant episodig o fywyd Disraeli o'i yrfa gynnar fel nofelydd trwy ei fuddugoliaethau gwleidyddol fel gwladweinydd hŷn. Mae'r ffilm bron yn hagiograffeg, yn darlunio Disraeli fel diwygiwr cymdeithasol gydol oes ac yn ddemocrat Torïaidd sy'n ymroddedig i "Loegr" ac i "ddemocratiaeth". Mae TCM.com yn disgrifio'r ffilm fel hyn —

The Prime Minister (1941) yw'r chwedlonol Benjamin Disraeli, yn cael ei bortreadu gan y chwedlonol John Gielgud mewn perfformiad tour-de-force sy'n mynd â Disraeli o nofelydd ifanc dandiaidd, i aelod seneddol newyddian, i brif weinidog Lloegr a chyfrinachwr Y Frenhines Victoria. Ar hyd y ffordd, mae "Dizzy" yn ennill llaw ac yn priodi ei wraig Mary Anne, sy'n darparu cefnogaeth graff i'w yrfa. Mae hefyd yn brwydro gwrthwynebwyr gwleidyddol, yn helpu'r tlawd a'r dosbarth gweithiol, yn prynu Camlas Suez, yn ehangu'r ymerodraeth, ac yn trechu cynlluniau imperialaidd cynghrair wleidyddol yr Almaen Awstria a Rwsia. [2]

Bu feirniadaeth am y ffilm am ei ddarluniad negyddol ac anffafriol o William Ewart Gladstone, prif wrthwynebydd gwleidyddol Disraeli. [3]

Dyluniwyd setiau'r ffilm gan y cyfarwyddwr celf Norman G. Arnold.

Nodiadau[golygu | golygu cod y dudalen]

Agorodd The Prime Minister yn yr Unol Daleithiau ym mis Chwefror 1942, un mis ar ddeg ar ôl ei phremière Prydeinig. Torrwyd y fersiwn Americanaidd o 15 munud — ymhlith y golygfeydd a dynnwyd roedd un yn cynnwys Glynis Johns, a oedd ar gychwyn ei gyrfa.

Swyddfa Docynnau[golygu | golygu cod y dudalen]

Yn ôl cofnodion Warner Bros enillodd y ffilm $16,000 i’r stiwdio yn ddomestig a $21,000 dramor. [4]

Cyfeiriadau[golygu | golygu cod y dudalen]

  1. "Disraeli, Benjamin, earl of Beaconsfield (1804-1881), prime minister and novelist". Oxford Dictionary of National Biography. doi:10.1093/ref:odnb/7689. Cyrchwyd 2020-12-29.
  2. Erthygl am y ffilm ar wefan Turner Classic Movies (Nodyn:Nid yw wefan TCM ar gael yn yr UE a'r DU)
  3. "Justice for Gladstone". The Daily Telegraph. 1960-10-19. t. 15. ISSN 0307-1235. Cyrchwyd 2020-12-29.
  4. Gwybodaeth ariannol Warner Bros yn The William Shaefer Ledger. Gweler Atodiad 1, Historical Journal of Film, Radio and Television, (1995) 15:sup1, 1-31 p 22 DOI: 10.1080/01439689508604551

Dolenni allanol[golygu | golygu cod y dudalen]