Tarquinia Tarquini

Oddi ar Wicipedia
Jump to navigation Jump to search
Tarquinia Tarquini
Tarquinia Targuini, singer (SAYRE 9365).jpg
Ganwyd 1882 Edit this on Wikidata
Colle di Val d'Elsa Edit this on Wikidata
Bu farw 25 Chwefror 1976 Edit this on Wikidata
Milan Edit this on Wikidata
Dinasyddiaeth Baner Yr Eidal Yr Eidal
Alma mater
  • Conservatoire Milan Edit this on Wikidata
Galwedigaeth canwr, canwr opera Edit this on Wikidata
Math o lais soprano Edit this on Wikidata

Roedd Tarquinia Tarquini (1882 - 25 Chwefror 1976) yn soprano ddramatig Eidalaidd ac yn wraig i'r cyfansoddwr Riccardo Zandonai. [1]

Bywgraffiad[golygu | golygu cod y dudalen]

Yn enedigol o Colle di Val d'Elsa, astudiodd Tarquini ganu yng Nghonservatoire Milan ac yn breifat yn Fflorens. Gwnaeth ei ymddangosiad cyntaf ar y llwyfan ym 1905 a threuliodd y ddwy flynedd nesaf yn perfformio mewn tai opera ledled yr Eidal.

Ym 1907 aed â Tarquini i'r Unol Daleithiau gan yr impresario Henry Russell i ymuno â'i Gwmni Opera San Carlo, sydd wedi'i leoli yn Boston. Gwnaeth ei ymddangosiad cyntaf gyda'r cwmni yn Boston fel Santuzza yn Cavalleria rusticana ac aeth ar daith drwy Ogledd America gyda'r cwmni. Yr un flwyddyn, perfformiodd y rôl deitl ym première yr Unol Daleithiau o Adriana Lecouvreur yn y French Opera House yn New Orleans .

Rhwng 1908-1911 perfformiodd Tarquini mewn operâu yn Awstria, yr Aifft, yr Eidal a Phortiwgal. Ymhlith y rolau a ganodd oedd Cio-Cio San yn Madama Butterfly, Maddalena de Coigny yn Andrea Chénier, Mimì yn La bohème, a'r rôl deitl yn Manon. Derbyniodd glod arbennig am ei phortread o rôl y teitl yn Salome Richard Strauss [2] a, gan ei bod yn ddawnsiwr da, perfformio Dawns y Saith Llen ei hun; penderfyniad a achosodd braw i rai beirniaid ceidwadol.

Ar 14 Hydref 1911 portreadodd Tarquini rôl y teitl ym première byd Conchita gan Zandonai yn y Teatro Dal Verme ym Milan. Roedd ei pherfformiad yn llwyddiant buddugoliaethus ac aeth ymlaen i berfformio'r rôl sawl gwaith, gan gynnwys yn y Tŷ Opera Brenhinol, Llundain (1912), y Cort Theatre, San Francisco (1912), y Philarmonic Auditorium yn Hollywood (1912), yr Heilig Theatre yn Portland, Oregon (1912), y Tŷ Opera Metropolitan yn Philadelphia (1912), Cwmni Opera'r Grand Chicago (1913), yr Opera Metropolitan yn Ninas Efrog Newydd (1913), a'r Teatro di San Carlo yn Napoli (1913). [3]

Arhosodd Tarquini yn brysur fel perfformiwr hyd iddi ymddeol o'r llwyfan ym 1917 yn dilyn ei phriodas y flwyddyn honno â Zandonai. Cafodd lwyddiant pwysig yn Covent Garden fel Carmen Bizet ym 1912 ac, ar wahân i Conchita, Salome oedd y rôl a pherfformiodd amlaf. Ar ôl ei phriodas, bu’n byw’r rhan fwyaf o’i bywyd gyda’i gŵr ym Milan. Ar ol farwolaeth ei gŵr derbyniodd pensiwn arbennig o 780,000 lira y flwyddyn gan lywodraeth yr Eidal. [4] Bu farw ym Milan yn 93 oed. Ni recordiwyd llais Tarquini erioed.

Cyfeiriadau[golygu | golygu cod y dudalen]

  1. "Tarquini – CORO SAN FAUSTINO" (yn Eidaleg). Cyrchwyd 2020-12-27.
  2. "TARQUINIA TARQUINI AS SHE WILL APPEAR IN SALOME TONIGHT". cdnc.ucr.edu— California Digital Newspaper Collection. Los Angeles Herald. 14 Tachwedd 1912. Cyrchwyd 2020-12-27.
  3. "The Metropolitan Opera Guild". www.metguild.org. Cyrchwyd 2020-12-27.
  4. "Normattiva". www.normattiva.it. Cyrchwyd 2020-12-27.
  • Waterhouse, John CG (1992), 'Zandonai, Riccardo' yn The New Grove Dictionary of Opera, gol. Stanley Sadie (Llundain) ISBN 0-333-73432-7

Darllen pellach[golygu | golygu cod y dudalen]

  • Dryden, Konrad (1999) Riccardo Zandonai, A Biography, Peter Lang (Frankfurt) ISBN 3-631-34374-4