Sue Roderick

Oddi ar Wicipedia
Jump to navigation Jump to search
Sue Roderick
Ganwyd Susan Broderick Edit this on Wikidata
1955 Edit this on Wikidata
Bangor Edit this on Wikidata
Dinasyddiaeth Baner Cymru Cymru
Galwedigaeth Actor Edit this on Wikidata

Actores a chantores o Gymraes yw Sue Roderick (ganwyd 1955).[1] Mae'n adnabyddus am chwarae Lucy Cartwright yn y ffilm gwlt Twin Town, Cassie Morris ym Mhobol y Cwm a dwy gymeriad yn Coronation Street.[2]

Bywyd cynnar[golygu | golygu cod y dudalen]

Ganwyd Susan Broderick ym Mangor a'i magu ym Mhorthmadog.[1] Roedd yn canu ers yn ferch ifanc a bu'n perfformio gyda Treflyn Jones yn y ddeuawd 'Treflyn a Siwsan'. Perfformiodd ar Disc a Dawn pan oedd yn ddeng mlwydd oed. Yn 14 oed aeth am glyweliad gyda Wilbert Lloyd Roberts yng Nghwmni Theatr Cymru. Roedd yn rhy ifanc i ddechrau gweithio ond cafodd gynnig gwersi canu gyda Betty, gwraig Wilbert. Wedi gorffen yn yr ysgol aeth yn ôl i weithio gyda Cwmni Theatr Cymru.

Gyrfa[golygu | golygu cod y dudalen]

Yn 1987 perfformiodd ar y rhaglen Codi Pais (HTV Cymru ar gyfer S4C), rhaglen adloniant yn cynnwys sgetsus a chaneuon. Roedd y rhaglen yn torri tir newydd ar gyfer merched mewn comedi drwy gyfuno doniau Sue, Siw Hughes, Gillian Elisa ac Eirlys Parri.[3]

Roedd yn un o brif actorion y ffilm Hedd Wyn yn chwarae Lizzie Roberts ac ymddangosodd yn Twin Town yn chwarae Lucy Cartwright. Yn y 1990au ymddangosodd yn y ddrama Y Palmant Aur cyn ymuno a chast Pobol y Cwm i chwarae Cassie Morris, oedd yn berchen y Deri Arms gyda'i gŵr Teg.

Rhwng 2016 a 2018 bu'n chwarae yr athrawes Llywela yn y gyfres ddrama Gwaith/Cartref.

Bywyd personol[golygu | golygu cod y dudalen]

Roedd yn briod gyda Quentin Annis ac mae ganddynt ferch, yr actores, dramodydd a chyfarwyddwraig Mêlisa Annis. Roedd hefyd yn briod a'r cyfarwyddwr Paul Turner.

Cyfeiriadau[golygu | golygu cod y dudalen]

  1. 1.0 1.1 "Index entry". FreeBMD. ONS. Cyrchwyd 23 July 2018.
  2. (Saesneg) Emptage Hallett - Sue Roderick. Adalwyd ar 23 Gorffennaf 2018.
  3.  Cofio - Rhaglen 13. Adalwyd ar 23 Gorffennaf 2018.

Dolenni allanol[golygu | golygu cod y dudalen]

Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.