Siwsann George

Oddi ar Wicipedia
Jump to navigation Jump to search
Siwsann George
Gwybodaeth gefndirol
Enw genedigol Suzanne Elizabeth George
Ganwyd 2 Ebrill 1956(1956-04-02)
Man geni Baner Cymru Pentre'r Eglwys, Pontypridd
Marw 6 Mai 2005(2005-05-06) (49 oed)
Cerddoriaeth Gwerin
Galwedigaeth(au) Cantores, offerynnwr
Offeryn(au) cerdd Llais, telyn, gitâr
Cysylltiedig Mabsant

Cantores a cherddor gwerin oedd Suzanne Elizabeth George (2 Ebrill 19566 Mai 2005), a adwaenid fel Siwsann George. Sefydlodd y grŵp gwerin Mabsant a roedd yn ymgyrchydd brwd dros y Gymraeg a hawliau'r anabl.[1]

Bywyd cynnar ac addysg[golygu | golygu cod y dudalen]

Ganwyd Siwsann yn Ysbyty Gorllewin Morgannwg ym Mhentre'r Eglwys ger Pontypridd.[2] Fe'i magwyd yn Nhreherbert, Y Rhondda, ac roedd yn rhan o'r genhedlaeth gyntaf i gael ei haddysg drwy gyfrwng y Gymraeg yn Ysgol Gynradd Gymraeg Ynyswen a Ysgol Gyfun Rhydfelen.[1] Dechreuodd ganu yn ifanc, yng ngwersi sol-ffa’r capel ac yn Eisteddfodau’r Urdd.[3]

Aeth i astudio ym Mhrifysgol Cymru Aberystwyth ac ar ôl graddio aeth ymlaen i Goleg Cerdd a Drama Caerdydd.

Gyrfa[golygu | golygu cod y dudalen]

Cychwynnodd ganu gyda'i brawd, Roland, cyn ffurfio Mabsant yn 1978. I gychwyn roedd y grŵp yn chwarae caneuon gwerin Cymreig a Gwyddelig yn nhafarndai Caerdydd. Yn 1981 enillodd Siwsann y gystadleuaeth canu unigol yn yr Ŵyl Ban-Geltaidd gyda chân o'r enw "Aberfan". Trodd Mabsant yn grŵp proffesiynol yn 1984 a teithiodd y grŵp i bedwar ban byd.[2]

Cyhoeddwyd goreuon Mabsant ar label Recordiau Sain ac yn eu broliant maent yn dweud fod Siwsann "wedi ennill clod am ei llais 'cyfoethog llawn emosiwn' ac am ei chyflwyniadau cyffrous o'r caneuon. Roedd ganddi ddyfnder o ddealltwriaeth am y caneuon oedd heb ei debyg ymysg cantorion eraill ei chenhedlaeth".[3]

Yn ddiweddarach, roedd Siwsann yn chwarae gyda ei grŵp ei hun - Sioe Gymreig Werinol Siwsann George.

Bywyd personol[golygu | golygu cod y dudalen]

Roedd yn briod a Roger Plater a roedd ganddynt un mab, Osian. Symudodd y teulu o Lantrisant i Abercynon yn 1994. Bu farw yn 49 oed yn dilyn brwydr hir yn erbyn cancr.[1]

Cyfeiriadau[golygu | golygu cod y dudalen]

  1. 1.0 1.1 1.2 'Colled enfawr i'r byd gwerin' , BBC Cymru, 8 Mai 2005. Cyrchwyd ar 2 Mehefin 2016.
  2. 2.0 2.1 (Saesneg) Mabsant - Artist Biography. Allmusic. Adalwyd ar 2 Mehefin 2016.
  3. 3.0 3.1  Mabsant - Bywgraffiad. Recordiau Sain. Adalwyd ar 2 Mehefin 2016.