Sfax (talaith)

Lleoliad Sfax yn Nhiwnisia

Un o daleithiau (gouvernourat) Tiwnisia yw Sfax. Fe'i lleolir yng nghanolbarth y wlad, ar lan Môr y Canoldir. Dinas Sfax, ail ddinas Tiwnisia ac un o ganolfannau masnach mwyaf y wlad, yw ei phrifddinas.

Dominyddir daearyddiaeth y dalaith gan yr ardal eang o wastadedd di-goed, rhwng 200m-400m uwch lefel y môr, a enwir y Sahel. Mae'n enwog am ei holewydd.

Ar hyd yr arfordir ceir y prif drefi a dinasoedd, sy'n cynnwys Sfax ei hun, Mahrès a Skhira. Cyferbyn â dinas Sfax ceir Ynysoedd Kerkennah.

Mae'r GN1, prif draffordd y wlad, yn cysylltu Sfax a'r brifddinas Tiwnis i'r gogledd a threfi a dinasoedd y de. Ceir rheilffordd hefyd, sy'n cysylltu Sfax ac El Jem, Hammamet a Thiwnis.

Dinasoedd a threfi

• Agareb
• Bir Ali Ben Khélifa
• Bir Salah
• Chihia
• El Aïn
• Graïba
• Gremda
• Jebiniana
• Kerkennah
• El Hencha
• Mahrès
• Menzel Chaker
• Sakiet Eddaïer
• Sakiet Ezzit
• Sfax (prifddinas)
• Skhira
• Thyna

Eginyn erthygl sydd uchod am Diwnisia. Gallwch helpu Wicipedia drwy ychwanegu ato.