Samuel Warren

Samuel Warren, gan John Linnell (m. 1882).

Nofelydd Cymreig a bargyfreithiwr oedd Samuel Warren (23 Mai 1807 - 29 Gorffennaf 1877). Roedd yn nofelydd pur boblogaidd ganol y 19eg ganrif. Cafodd ei eni yn Wrecsam (Sir Ddinbych gynt). Bu'n Aelod Seneddol dros Midhurst, Lloegr rhwng 1856-1859.

Ysgrifennodd Warren sawl llyfr ar y Gyfraith ond daeth i amlygrwydd fel llenor pan gyhoeddodd ei nofel gyntaf yn 1838, sef Passages from the Diary of a Late Physician. Dilynwyd hyn gan nofel arall, sef Ten Thousand a Year (1839), sy'n adrodd hanes twyllwr digywilydd yn codi yn y byd trwy ddichell. Dychanol yw naws y ddwy nofel hyn.

Llyfryddiaeth ddethol

• Passages from the Diary of a Late Physician (1838)
• Ten Thousand a Year (1839)

Cyfeiriadau

Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.