Roger Bacon

Roger Bacon
Ffugenw	Doctor Mirabilis
Ganwyd	Roger Bacon  c. 1220  Gwlad yr Haf, Ilchester, Bisley
Bu farw	c. 1292  Rhydychen
Dinasyddiaeth	Teyrnas Lloegr
Alma mater	Prifysgol Rhydychen
Galwedigaeth	athronydd, ffisegydd, diwinydd, cerddolegydd, damcaniaethwr cerddoriaeth, astroleg, alchemydd, cyfieithydd, dyfeisiwr, mathemategydd, ysgrifennwr
Cyflogwr	Prifysgol Paris Prifysgol Rhydychen
Adnabyddus am	Opus Majus, Opus Minus, Opus Tertium, Summa Grammatica
Prif ddylanwad	William of Sherwood
Mudiad	ysgolaeth

Athronydd o Loegr oedd Roger Bacon (tua 1220 – 1292), a adnabyddir gan yr acolâd Lladin Doctor Mirabilis, sy'n nodedig fel un o'r cyntaf i arddel arbrofoliaeth yn yr Oesoedd Canol.

Ganwyd yn Ilchester, Gwlad yr Haf. Astudiodd fathemateg, cerddoriaeth, a seryddiaeth ym mhrifysgolion Rhydychen a Pharis. Addysgodd athroniaeth ym Mharis o 1240 i 1247, ac yn Rhydychen o 1247 i 1257. Ymchwiliodd i opteg ac alcemi, ac ef oedd yr Ewropead cyntaf i ddisgrifio'r broses o gynhyrchu powdwr gwn a'r cyntaf i argymell defnyddio drychau a lensys i ymchwilio i'r byd naturiol.

Ymunodd ag Urdd Sant Ffransis tua 1257. Bu'r urdd honno yn gwahardd astudiaethau am y byd meidrol ac ysgrifeniadau seciwlar, ond ar gais y Pab Clement IV fe gyflawnodd dri gwaith: Opus majus, Opus minus, ac Opus tertium. Cynigiodd gwricwlwm newydd ar gyfer prifysgolion Ewrop i addysgu mathemateg, ieithoedd (yn enwedig Groeg, Arabeg, ac Hebraeg), alcemi, a gwyddoniaeth, a hynny drwy ddulliau arsylw a mesur.