Prosiect Llenorion Ffederal

Oddi ar Wicipedia
Prosiect Llenorion Ffederal
Enghraifft o'r canlynolsefydliad y llywodraeth Edit this on Wikidata
Label brodorolFederal Writers' Project Edit this on Wikidata
Dechrau/Sefydlu27 Gorffennaf 1935 Edit this on Wikidata
Isgwmni/auHistorical Records Survey Edit this on Wikidata
Rhiant sefydliadWorks Progress Administration Edit this on Wikidata
Enw brodorolFederal Writers' Project Edit this on Wikidata
GwladwriaethUnol Daleithiau America Edit this on Wikidata
Tudalen Comin Ffeiliau perthnasol ar Gomin Wicimedia

Rhaglen a weithredwyd gan lywodraeth ffederal Unol Daleithiau America o 1935 i 1939 fel rhan o'r Fargen Newydd oedd y Prosiect Llenorion Ffederal (Saesneg: Federal Writers' Project, FWP) a ddarparodd gymorth ariannol i ysgrifenwyr, newyddiadurwyr, ysgolheigion, golygyddion, llyfrgellwyr, clercod, a gweithwyr ymchwil diwaith. Gweinyddwyd y prosiect gan y Weinyddiaeth Gynnydd Gwaith (WPA) fel rhan o ymdrech y llywodraeth i gyflogi miliynau o'r bobl a gollodd eu swyddi a'u bywoliaeth yn ystod y Dirwasgiad Mawr. Fe'i cyfarwyddwyd gan Henry Alsberg a gweinyddwyd y gwaith gan rwydwaith o ganghennau lleol a thaleithiol ar draws y wlad. Cyflogwyd uchafswm o 6600 o lenorion ar un pryd. Roedd yn rhan o "Brosiect Ffederal Rhif Un", ynghyd â'r Arolwg Cofnodion Hanesyddol (HRS), y Prosiect Theatr Ffederal (FTP), y Prosiect Cerddoriaeth Ffederal (FMP), a'r Prosiect Celf Ffederal (FAP).

Prif orchwyl yr FWP oedd casglu a golygu'r gyfres "American Guide", gan gynnwys gwybodaeth am ddaearyddiaeth, teithio, llên gwerin, pensaernïaeth, ac agweddau eraill ar hanes diwylliannol ac ethnolegol, gyda chynllun i gynnwys cyfrolau am bob un o 48 o daleithiau'r wlad ac am ddinasoedd, trefi, siroedd, a phriffyrdd.[1] Sgil-gynnyrch y cywaith hwn oedd nifer o weithiau ychwanegol, gan gynnwys hanesion lleol, astudiaethau o grwpiau ethnig ac hil, bywgraffiadau, hanesion cymdeithasol, ac astudiaethau o fyd natur, mwy na 1,000 o lyfrau a phamffledi i gyd.[2]

Daeth cyllid oddi ar y Gyngres i ben ym 1939, ond trosglwyddwyd cyfrifoldebau'r FWP i'r taleithiau yn sgil Deddf CERA ym 1941. Daeth y prosiectau taleithiol i ben ym 1943.

Ymhlith y llenorion enwog a gafodd gymorth oddi ar yr FWP bu Richard Wright, Ralph Ellison, a Saul Bellow.

Cyfeiriadau[golygu | golygu cod]

  1. James D. Hart a Phillip W. Leininger, The Oxford Companion to American Literature, 6ed argraffiad (Rhydychen: Oxford University Press, 1995), tt. 211–12.
  2. (Saesneg) WPA Federal Writers' Project. Encyclopædia Britannica. Adalwyd ar 11 Tachwedd 2023.