Omaha, Nebraska

Oddi ar Wicipedia
Neidio i: llywio, chwilio
Am ddefnyddiau eraill, gweler Omaha (gwahaniaethu).
Nenlinell Omaha
Lleoliad Omaha o fewn talaith Nebraska

Dinas fwyaf y dalaith Americanaidd Nebraska a sedd sirol Douglas County yw Omaha. Yn ôl cyfrifiad 2000, mae gan y ddinas poblogaeth o 390 007, ac yn ôl amcangyfrif cyfrifiad 2006 cynyddodd poblogaeth Omaha i 427 872, sy'n cynnwys nifer ychwanegol o tua 8300 o bobl trwy gynnwys y ddinas lai Elkhorn. Lleolir Omaha ar gwr dwyreiniol Nebraska, ar Afon Missouri, tua (30 km) i ogledd aber Afon Platte. Angor ardal fetropolitan Omaha-Council Bluffs yw Omaha. Lleolir Council Bluffs, Iowa, yn syth ar draws Afon Missouri i Omaha. Ffurfiodd y ddinas a'i maestrefi y 60fed ardal fetropolitan fwyaf yn yr Unol Daleithiau yn 2000, gydag amcangyfrif poblogaeth o 822 549 (2006)[1] yn breswyl mewn wyth sir neu tua 1.2 miliwn o fewn radiws 80 km.

Mae gan Omaha etifeddiaeth ddiwylliannol ac hanesyddol gyfoethog. Mae uchelfannau diwylliannol yn cynnwys Amgueddfa Celf Joslyn, Amgueddfa Etifeddiaeth y Gorllewin Durham, Holland Performing Arts Center, a'r Omaha Community Playhouse. Roedd yn gartref i Trans-Mississippi and International Exposition 1898, ac yn lleoliad anheddau gaeaf setlwyr Llwybr y Mormoniaid. Roedd hefyd yn lleoliad digwyddiadau pwysig yn y Mudiad Hawliau Sifil. Mae hefyd yn ganolfan busnes a restrwyd fel un o ddeg hafan uwch-dechnolegol yr Unol Daleithiau gan Newsweek yn 2001.[2] Er bod tor-gyfraith yn Omaha yn gyffelyb i ddinasoedd Americanaidd o faint tebyg, mae tensiynau hiliol a methamphetaminau[3] yn faterion cymdeithasol.

Gefeilldrefi[golygu]

Cyfeiriadau[golygu]

  1. (Saesneg) Population Estimates and Components of Population Change for Iowa's Metropolitan Areas (2003 Definition): 2000-2006. State Data Centre of Iowa. Adalwyd ar 6 Gorffennaf, 2007.
  2. (Saesneg) Omaha Metro Data. The Greater Omaha Economic Development Council. Adalwyd ar 6 Gorffennaf, 2007.
  3. (Saesneg) Bonné, Jon. Scourge of the heartland. MSNBC. Adalwyd ar 6 Gorffennaf, 2007.

Cysylltiadau allanol[golygu]

Comin Wikimedia
Mae gan Gomin Wikimedia gyfryngau sy'n berthnasol i: