Llyn Tanygrisiau

Oddi ar Wicipedia
Jump to navigation Jump to search
Llyn Tanygrisiau

Cronfa ddŵr gerllaw pentref Tanygrisiau yn ardal Blaenau Ffestiniog yng Ngwynedd yw Llyn Tanygrisiau (hefyd Llyn Ystradau).

Adeiladwyd yr argae i ffurfio'r llyn yn 1960; cyn hynny roedd y tir yn ddyffryn corsiog gyda tri phwll bychan, Llyn Ceg Twnel, Llyn Inclen a Gelliwog. Adeiladwyd y gronfa i gymeryd y dŵr sy'n dod i lawr o Lyn Stwlan wedi iddo gael ei ddefnyddio i gynhyrchu trydan dŵr. Pan adeiladwyd y llyn, boddwyd hen dwnel a rhan o drac Rheilffordd Ffestiniog, a phan ail-agorwyd y rheilffordd i dwristiad bu raid adeiladu twnel a thrac newydd gerllaw'r llyn.

I'r gorllewin o'r llyn mae'r Moelwyn Mawr a'r Moelwyn Bach, ac mae nifer o nentydd sy'n tarddu ar eu llethrau yn llifo i'r llyn. Mae Afon Goedol yn llifo allan o'r llyn ac yn ymuno ag Afon Dwyryd.

Llyfryddiaeth[golygu | golygu cod y dudalen]

  • Geraint Roberts, The lakes of Eryri (Gwasg Carreg Gwalch, Llanrwst, 1995). ISBN 0-863811-338-0

52°58′46″N 3°58′03″W / 52.9795°N 3.96753536°W / 52.9795; -3.96753536Cyfesurynnau: 52°58′46″N 3°58′03″W / 52.9795°N 3.96753536°W / 52.9795; -3.96753536