Jonathan Ceredig Davies
| Jonathan Ceredig Davies | |
|---|---|
 Dwy dudalen o'i gyfrol Life, Travels and Reminiscences of Jonathan Ceredig Davies (1927) | |
| Ganwyd | 22 Mai 1859, 1859  Llangynllo |
| Bu farw | 29 Mawrth 1932, 1932 |
| Dinasyddiaeth |  Cymru |
| Galwedigaeth | achrestrydd, arbenigwr mewn llên gwerin |
Llenor o Gymru ac arbenigwr ar lên gwerin Cymru oedd Jonathan Ceredig Davies (22 Mai 1859 – 29 Mawrth 1932). Cyhoeddai dan yr enw J. Ceredig Davies.[1] Teithiodd yn eang a chyhoeddodd sawl llyfr taith gan gynnwys dwy gyfrol am y Wladfa, Patagonia. Ond fe'i cofir yn bennaf am ei gyfraniad i astudiaethau llên gwerin gyda'r gyfrol nodedig Folk-lore of West and Mid-Wales (1911).[1]
Bywgraffiad
[golygu | golygu cod]Ganwyd Davies ar 22 Mai 1859, ym Mhlwyf Llangynllo, Ceredigion, yn fab J. C. Davies. Yn 1875, ac yn yntau'n ddim ond 16 oed, ymfudodd i'r Wladfa a dychwelodd i Gymru yn 1891; blwyddyn yn ddiweddarach, yn 1892 golygodd Yr Athrofa - lle cyhoeddodd golofn 'Anturiaethau yn Nhir y Cewri ' a gyhoeddwyd wedyn yn Saesneg (Llanbedr Pont Steffan, 1892). Yn 1898 ymwelodd â Gorllewin Awstralia gan aros yno am bedair blynedd tra'n astudio arferion traddodiadol y brodorion a gwnaeth lawer i hyrwyddo mudiadau crefydd a diwylliant ymhlith y Cymry a ymsefydlasai yno. Dychwelodd i Awstralia yn 1907, ac ymwelodd â Ffrainc a Sbaen yn 1924 cyn treulio gweddill ei oes yng Nghymru. Daeth i adnabod hanes, llên gwerin Cymru yn y cyfnod hwn, a'i hachyddiaeth. Bu farw ar 29 Mawrth 1932 yn Llanddewi-brefi.[2]
Llyfryddiaeth
[golygu | golygu cod]- Darlith ar Batagonia (1891)
- Patagonia: a Description of the Country (1892)
- Adventures in the Land of Giants: a Patagonion Tale (1892)
- Folk-lore of West and Mid-Wales (1911)
- Welsh and Oriental Languages (1927)
- Life, Travels and Reminiscences (!927)
