Idris Charles

Oddi ar Wicipedia
Jump to navigation Jump to search
Idris Charles
Ganwyd 3 Ionawr 1947 Edit this on Wikidata
Bodffordd Edit this on Wikidata
Dinasyddiaeth Baner Cymru Cymru
Alma mater
Galwedigaeth cynhyrchydd teledu, cyflwynydd teledu, digrifwr stand-yp Edit this on Wikidata
Tad Charles Williams Edit this on Wikidata

Diddanwr, cyflwynydd a chynhyrchydd teledu yw Idris Charles (ganwyd 3 Ionawr 1947).[1]

Ganwyd Idris ym Modffordd yn fab i Jennie a'r actor Charles Williams. Mynychodd Ysgol Gyfun Llangefni ac aeth ymlaen i Goleg Diwynyddol Aberystwyth.

Gyrfa[golygu | golygu cod y dudalen]

Ar ddiwedd y 1960au a dechrau'r 1970au bu'n trefnu nosweithiau adloniant "Sêr Cymru" yn sinema'r Majestic yng Nghaernarfon.

Daeth yn is-gynhyrchydd gyda HTV Cymru yn 1983 gan gynhyrchu a sgriptio nifer o raglenni adloniant ysgafn fel Bwrw’r Sul, Cyfle Byw, Traed Dan Bwrdd, Par Mewn picl, Bwrlwm Bro, Llwyfan, Gweld Sêr a Sblat. Cyflwynodd dair cyfres o'r cwis Stumiau (seiliwyd ar 'Charades') a tair cyfres o Bwrlwm Bro.

Yn yr 1980au roedd yn adnabyddus fel cyflwynydd nifer o sioeau adloniant a chwisiau a bu'n actio ar sawl rhaglen yn cynnwys Pobol y Cwm, A470, Dwy Ynys, Gwely Blodau a Hotel Eddie. Bu'n cyflwyno nifer o sioeau ar BBC Radio Cymru ac roedd yn sylwebydd pêl-droed.

Yn 1996 cyd-gynhyrchodd pedair gyfres comedi stand-yp Y Jocars ar S4C.[2]

Rhwng 2002 a'i ymddeoliad yn 2012 bu'n gynhyrchydd gyda chwmni Tinopolis gan gynhyrchu a chyfarwyddo rhaglenni fel Wedi 7/Heno, Sam ar y Sgrîn a rhaglenni arbennig Heno er engraifft Ems yn 60, Hanes yr Eisteddfod Genedlaethol a pedair rhaglen Nos Galan i S4C.

Mae'n awdur ar dair cyfrol, Heb y Mwgwd[3], Hiwmor Idris a Charles[4] a Cofio'r Dyn a'i Ddigrifwch[5].

Ers ymddeol mae'n parhau i weithio.[6]

Bywyd personol[golygu | golygu cod y dudalen]

Mae'n briod a Ceri ac yn byw yng Nghasnewydd.

Mae'n gefnogwr Clwb Pêl-droed Casnewydd (Newport County).

Ganwyd ei mab hynna, Iwan, yn Wrecsam yn 1979 a Owain yn Mancot yn 1981.

Cyfeiriadau[golygu | golygu cod y dudalen]

  1.  Dw i wedi cyrraedd 'Oed yr addewid' HEDDIW (3 Ionawr 2017). Adalwyd ar 23 Ebrill 2018.
  2. "Glywsoch chi'r jôc?..." , BBC Cymru Fyw, 18 Awst 2015. Cyrchwyd ar 23 Ebrill 2018.
  3. (www.gwerin.com), Gwerin. "Idris Charles: Heb y Mwgwd (9781847710864) | Idris Charles | Y Lolfa". www.ylolfa.com (yn Saesneg). Cyrchwyd 2018-08-19.
  4. (www.gwerin.com), Gwerin. "Hiwmor Idris a Charles (9781847710024) | Idris Charles | Y Lolfa". www.ylolfa.com (yn Saesneg). Cyrchwyd 2018-08-19.
  5. (www.gwerin.com), Gwerin. "Charles: Cofio'r Dyn a'i Ddigrifwch (9781784611668) | Idris Charles | Y Lolfa". www.ylolfa.com (yn Saesneg). Cyrchwyd 2018-08-19.
  6.  LinkedIn - Idris Charles. LinkedIn. Adalwyd ar 23 Ebrill 2018.

Dolenni allanol[golygu | golygu cod y dudalen]