Hmong

Oddi ar Wicipedia
Neidio i: llywio, chwilio
Hmong
Hmong women at Coc Ly market, Sapa, Vietnam.jpg
Merched Hmong mewn gwisg draddodiadol mewn marchnad yn Bắc Hà, Fietnam.
Cyfanswm poblogaeth 4–5 miliwn
Ardaloedd gyda niferoedd sylweddol
Baner Tseina Tseina: 3 miliwn

Baner Fiet Nam Fiet Nam: 787,604
Baner Laos Laos: 460,000
Baner Unol Daleithiau Unol Daleithiau:nbsp;221,948
Baner Gwlad Thai Gwlad Thai: 151,080
Baner Ffrainc Ffrainc: 15,000
Baner Awstralia Awstralia: 2,190
Baner Guyane Guyane: 1,500
Baner Canada Canada: 600
Baner Yr Almaen Yr Almaen: 500

Ieithoedd Hmongeg
Crefyddau Siamaniaeth, Bwdhaeth, Cristnogaeth, eraill

Grŵp ethnig Asiaidd yw'r Hmong sy'n tarddu o ardaloedd mynyddig Tsieina, Fietnam, Laos, a Gwlad Thai. Is-grŵp o'r Miao o dde Tsieina ydynt. Cychwynodd ymfudiad graddol i'r de yn y 18fed ganrif o ganlyniad i aflonyddwch gwleidyddol ac i chwilio am dir âr gwell yn Indo-Tsieina.

Ymladdodd nifer o Hmong yn erbyn y Pathet Lao gomiwnyddol yn ystod Rhyfel Cartref Laos. Daethant yn darged am ddial wedi buddugoliaeth y Pathet Lao ym 1975, a bu degoedd o filoedd o Hmong yn ffoi i Wlad Thai. Ymfudodd miloedd ohonynt i wledydd y Gorllewin ers y 1970au, yn bennaf yr Unol Daleithiau ond hefyd Awstralia, Ffrainc, Guyane, Canada, a gwledydd De America. Cafodd eraill eu dychwelyd i Laos gan raglenni gyda chefnogaeth y Cenhedloedd Unedig. Mae tua 8000 o ffoaduriaid Hmong yn parhau i fyw yng Ngwlad Thai.