Heulwen Hâf

Oddi ar Wicipedia
Jump to navigation Jump to search
Heulwen Hâf
Ganwyd 1 Awst 1944 Edit this on Wikidata
Corwen Edit this on Wikidata
Bu farw 5 Rhagfyr 2018 Edit this on Wikidata (74 oed)
Caerdydd Edit this on Wikidata
Man preswyl Llandaf Edit this on Wikidata
Dinasyddiaeth Baner Cymru Cymru
Galwedigaeth Actor, cyflwynydd teledu, Canwr Edit this on Wikidata
Cyflogwr

Actores a chyflwynwraig o Gymraes oedd Heulwen Hâf (1 Awst 19445 Rhagfyr 2018). Roedd yn llais ac yn wyneb cyfarwydd ar S4C drwy ei gwaith fel cyhoeddwr dilyniant y sianel ac ymddangosodd fel cyfrannwr ar nifer o raglenni.[1]

Bywgraffiad[golygu | golygu cod y dudalen]

Fe'i ganwyd yng Nghorwen ac roedd ganddi frawd a chwaer hŷn a'i thad yn gigydd lleol. Roedd ganddi siop trin gwallt ei hun yn 20 mlwydd oed ac fe weithiodd fel rheolwr yn siop Harrods, Llundain. Yn 24 oed priododd gyfreithiwr o Lerpwl ond fe wahanodd erbyn iddi fod yn 29 oed. Yn dilyn torcalon yr ysgariad, treuliodd ddwy flynedd yn Ysbyty Meddwl Dinbych. [2].

Yn 1969, cystadleuodd yng nghystadleuaeth Cân i Gymru.[3]

Roedd yn byw yn Llandaf, Caerdydd ers diwedd yr 1980au a gweithiodd fel actores, cyflwynydd a therapydd amgen. Canfuwyd fod ganddi gancr y fron yn Ebrill 2008 ac yn 2009 darlledwyd rhaglen Blodyn Haul ar S4C oedd yn dogfennu ei brwydr gyda'r afiechyd.[4][5]. Yn Nhachwedd 2018 gwnaeth gyfweliad olaf gyda rhaglen Heno yn sgwrsio am hanes ei bywyd.[6]

Bron yn Berffaith gan Heulwen Hâf

Gyrfa[golygu | golygu cod y dudalen]

Bu'n gweithio fel cyhoeddwr rhaglenni ar S4C am bymtheg mlynedd. Roedd hefyd wedi actio ar Pobol y Cwm. Bu'n chwarae rhan Magda yn y gyfres Lan a Lawr ar S4C ac roedd wedi ymddangos ar Casualty ar BBC One.

Yn 2011 cyhoeddodd lyfr ffeithiol Bron yn Berffaith oedd yn adrodd hanes ei brwydr gyda chancr y fron.[7]

Yn 2013, ymddangosodd mewn ffilm fer Fi a Miss World, rhan o gynllun It's My Shout ac fe'i dangoswyd fel rhan o dymor pobl ifanc S4C - Tro Ni. Roedd yn chwarae hen ddynes o'r Bala gyda golygfa freuddwydiol lle mae'n cofio am ei chyfnod fel Miss World.

Cyfeiriadau[golygu | golygu cod y dudalen]

  1. Mae Heulwen Hâf wedi marw , Golwg360, 5 Rhagfyr 2018.
  2. Hunangofiant Heulwen Haf ; Adalwyd ar 2015-12-07
  3. Yr actores Heulwen Hâf wedi marw yn 74 oed , BBC Cymru Fyw, 5 Rhagfyr 2018.
  4. Blodyn Haul; adalwyd ar 27 Rhagfyr 2015.
  5. Heulwen Haf on life after surviving cancer ; adalwyd ar 7 Gorffennaf 2015.
  6. [https://www.facebook.com/HenoS4C/videos/heulwen-haf/495083777653170/ "Un o bersonoliaethau amlwg Cymru yw Heulwen Haf."
  7. Haf, Heulwen (Hydref 2011). Bron yn Berffaith. Y Lolfa. ISBN 9781847713308

Dolenni allanol[golygu | golygu cod y dudalen]