Gorsaf reilffordd Bae Caerdydd
 | |
| Math | gorsaf reilffordd  |
|---|---|
| Daearyddiaeth | |
| Lleoliad | Bae Caerdydd |
| Sir | Caerdydd |
| Gwlad |  Cymru |
| Cyfesurynnau | 51.4671°N 3.1665°W |
| Cod OS | ST190748 |
| Rheilffordd | |
| Nifer y platfformau | 1 |
| Côd yr orsaf | CDB |
| Rheolir gan | Trafnidiaeth Cymru |
 | |
Mae gorsaf reilffordd Bae Caerdydd (Saesneg: Cardiff Bay railway station), a adnabyddid gynt fel "Caerdydd Heol Bute", yn orsaf sydd yn gwasanaethu Bae Caerdydd ac ardal Tre-Biwt. Mae'n derfyn deheuol Llinell Gangen Butetown un filltir (1.5 km) i'r de o orsaf Heol y Frenhines.
Dim ond un llwyfan sydd bellach yn cael ei defnyddio, gydag adeilad yr orsaf ei hun wedi'i gadael i fynd a'i ben iddo i bob pwrpas. Mae adeilad yr orsaf yn gorwedd ar Stryd Bute, er bod gweddill yr orsaf yn parhau i fod yn weladwy o Rodfa Lloyd George.
Mae'r orsaf o fewn pellter cerdded i'r Cynulliad Cenedlaethol Cymru a Chanolfan Mileniwm Cymru.
Mae gwasanaethau teithwyr yn cael eu darparu gan Trafnidiaeth Cymru.
Hanes[golygu | golygu cod y dudalen]
Agorodd yr orsaf fel gorsaf "Dociau Caerdydd" ym 1840 gan y Taff Vale Railway (peirianydd: Isambard Kingdom Brunel). Ail-enwyd yn orsaf "Stryd Biwt" gan Reilffordd y Great Western ym 1924, cyn newid i'w enw presennol ym 1994. Adnewyddwyd yr adeilad yn ystod yr 1980au a defnyddwyd am gyfnod fel amgueddfa reilffordd gan Amgueddfeydd ac Orielau Cenedlaethol Cymru a Chymdeithas Reilffordd Hanesyddol Biwt (a symudodd ym 1997 i Reilffordd Bro Morgannwg).[1]
Gwasanaethau[golygu | golygu cod y dudalen]
Mae yna wasanaethau rhwng Heol y Frenhines a Bae Caerdydd bob 12 munud o ddydd Llun i ddydd Sadwrn (rhwng 0630 a 2330) a phob 12 munud ar ddydd Sul (rhwng 1100 a 1630). Mae'n cael ei redeg gan "car swigen" Dosbarth 121, a adeiladwyd ym 1960.
Cyfeiriadau[golygu | golygu cod y dudalen]
- ↑ Hutton, John (2006). The Taff Vale Railway, vol. 1. Silver Link