Gorau Chwarae Cydchwarae

Oddi ar Wicipedia
Jump to navigation Jump to search
Gorau Chwarae Cydchwarae  
Awdur Dylan Ebenezer
Gwlad Cymru
Iaith Cymraeg
Cyfres Stori Sydyn
Genre(s) Llyfrau am chwaraeon‎
Cyhoeddwr Y Lolfa
Tudalennau 96
ISBN 9781784612481
Argaeledd Ar gael

Cyfrol gan Dylan Ebenezer yw Gorau Chwarae Cydchwarae a gyhoeddwyd yn 2016 gan Y Lolfa. Man cyhoeddi: Tal-y-bont, Cymru.[1]

Cofnodir yn y gyfrol hon gyffro gemau Tîm pêl-droed cenedlaethol Cymru wrth iddyn nhw frwydro yn Ewro 2016, gan Dylan Ebenezer. Ceir rhestr ddwyieithog o dermau pêl-droed. Fe'i hysgrifennwyd yn rhan o gynllun llythrennedd Stori Sydyn.

Rhan o adolygiad John Roberts ar wefan Gwales[golygu | golygu cod y dudalen]

Dyma hanes llwyddiant tîm pêl-droed Cymru yn cyrraedd Ffrainc a gemau Ewro 2016. Mae yma ddisgrifiadau byw o'r gemau, portreadir yr awyrgylch ymhlith y cefnogwyr selog sy'n dilyn eu tîm ledled y byd, ac atgoffir y darllenydd o brif ddigwyddiadau pob gêm, gan ganolbwyntio ar ambell elfen ddramatig.

Llyfr i'r cefnogwr pêl-droed selog yw hwn ac oherwydd hynny, y mae'n gyfrol brin a gwerthfawr yn y Gymraeg. Yn anad dim, llwydda Dylan i'n denu i ganol y chwarae, ac mae ei swydd wedi ei alluogi i fynd yn ddigon agos at y chwaraewyr i roi i ni olwg fywiog, ar eu hagweddau a'u hymroddiad. Ond gan ei fod yntau'n un o'r cefnogwyr hynny sydd yn fodlon teithio'r byd, y mae'n gallu cyfleu eu gobeithion a'u disgwyliadau hwythau hefyd. Tywysir ni drwy benodau cryno ond lliwgar am bob un o'r gemau. Ceir nerfusrwydd y gêm gyntaf yn Andora, ceir yr hyn a eilw yn 'brydferthwch gêm gyfartal' yn erbyn Bosnia, y frwydr yng Nghyprus, yr ymrafael yn erbyn Gwlad Belg a'r fuddugoliaeth ryfeddol yn Israel.

Camp fawr y gyfrol yw portreadu mwy na'r gemau'n unig. Mae'r awdur yn pwyso a mesur y gamp a gyflawnwyd. Mae hefyd yn dawel fach yn dadansoddi'r hyn a roddodd lwyddiant i'r tîm. Yn eu tro, gwerthfawrogir dewrder cyfnod John Toshack, arweiniad tactegol Osian Roberts, gweledigaeth Gary Speed, dycnwch Chris Coleman a'r undod rhyfeddol oedd wedi datblygu yng ngharfan ifanc Brian Flynn a'i berthynas agos â'r cefnogwyr.

Nid y gemau yn unig a geir yma ond yn hytrach y rheswm pam mae carfan mor ifanc o chwaraewyr wedi cyfuno mor rhyfeddol, a chodi gobeithion nid dim ond eu cefnogwyr selog yn unig ond miloedd o'u cyd-wladwyr hefyd.


Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Gwefan Gwales; adalwyd 1 Awst 2017