Dylan Ebenezer
| Dylan Ebenezer | |
|---|---|
| Ganwyd | 1974  |
| Dinasyddiaeth |  Cymru |
| Galwedigaeth | cyflwynydd chwaraeon |
| Tad | Lyn Ebenezer |
Darlledwr yw Dylan Ebenezer (ganwyd 1974) a ddaeth yn adnabyddus fel sylwebydd a chyflwynydd chwaraeon. Mae'n cyflwyno Sgorio ar S4C ers 2010 a Dros Frecwast, rhaglen foreol ar BBC Radio Cymru ers 2021.[1]
Bywyd cynnar
[golygu | golygu cod]Magwyd Dylan Llywelyn Ebenezer yn Aberystwyth yn fab i Jên a Lyn Ebenezer. Mynychodd Ysgol Gymraeg Aberystwyth ac Ysgol Penweddig.[2]
Gyrfa
[golygu | golygu cod]Cychwynodd fel gohebydd radio a sylwebydd gyda BBC Cymru cyn dod yn wyneb pêl-droed Cymru ar S4C. Ar BBC Radio Cymru mae wedi cyd-gyflwyno y rhaglen chwaraeon Camp Lawn ac wedi bod yn gapten tîm y cwis chwaraeon Cant y Cant.[3]
Bu'n cyflwyno ar y raglen bêl-droed wythnosol Sgorio ers 2010 ac mae wedi cyflwyno gemau pêl-droed rhyngwladol Cymru i'r Sianel.[4]
Cyflwynodd y sioe banel Gwefreiddiol am 5 cyfres ar S4C rhwng 2012 a 2015.[5] Roedd y sioe yn gyfuniad o gwis a sialensau wedi seilio ar fyd y cyfryngau newydd, y We a technoleg.[6]
Yn 2016 cyflwynodd rhaglen ddogfen gyda'i dad Lyn am hanes Gwrthryfel y Pasg. Yn Rebels Iwerddon 1916 aeth y ddau ar daith arbennig i olrhain yr hanes a straeon y rhai a aeth ymlaen i sicrhau annibynniaeth Iwerddon [7]
Ar ddiwedd 2020 cyhoeddwyd y byddai Dylan yn cyflwyno y sioe foreol newydd Dros Frecwast ar BBC Radio Cymru, enw newydd i raglen y Post Cyntaf. Roedd yn cymryd lle Dylan Jones ac yn cyflwyno o ddydd Llun i ddydd Iau rhwng 7 a 9 y bore gyda Kate Crockett. Darlledwyd y rhaglen gyntaf ar 25 Ionawr 2021.[8]
Cyfeiriadau
[golygu | golygu cod]- ↑ Dylan Ebenezer yw cyflwynydd newydd rhaglen newyddion foreol Radio Cymru , Golwg360, 11 Rhagfyr 2020. Cyrchwyd ar 15 Ionawr 2021.
- ↑ Ateb y Galw: Lyn Ebenezer , BBC Cymru Fyw, 13 Chwefror 2017. Cyrchwyd ar 15 Ionawr 2021.
- ↑ Don’t mind your Ps and Q: Dylan Ebenezer , WalesOnline, 31 Ionawr 2009. Cyrchwyd ar 15 Ionawr 2021.
- ↑ Haka Entertainment.
- ↑ Gwefreiddiol
- ↑ Delfryd yn dod yn wir i Dylan. , Daily Post, 28 Gorffennaf 2012. Cyrchwyd ar 15 Rhagfyr 2021.
- ↑ Rebels Iwerddon 1916 gyda Lyn a Dylan Ebenezer .
- ↑ Cyflwynydd ac enw newydd i raglen newyddion Post Cyntaf , BBC Cymru Fyw, 11 Rhagfyr 2020. Cyrchwyd ar 15 Ionawr 2021.