Glesyn serennog

Oddi ar Wicipedia
Plebejus argus
Dosbarthiad gwyddonol
Teyrnas: Animalia
Ffylwm: Arthropoda
Dosbarth: Insecta
Urdd: Lepidoptera
Teulu: Lycaenidae
Genws: Plebejus
Rhywogaeth: P. argus
Enw deuenwol
Plebejus argus
(Linnaeus, 1758)

Glöyn byw sy'n perthyn i urdd y Lepidoptera yw glesyn serennog, sy'n enw gwrywaidd; yr enw lluosog ydy gleision serennog; yr enw Saesneg yw Silver-studded Blue, a'r enw gwyddonol yw Plebejus argus.[1][2] Yng ngwledydd Prydain mae hi bellach yn eitha prin gan fod ei chynefin wedi cael ei ddifa dros y blynyddoedd.

Lliw[golygu | golygu cod]

Mae'r sêr yn enw i'w gweld oherwydd y smotiau arian-metalig glas sydd i'w canfod ar isadain ei adenydd ôl. Lliw'r fenyw ydy brown tywyll gyda smotiau oren ar ymylon ei hadenydd, gydag ychydig o las arni mewn rhai ardaloedd.

Cynefin[golygu | golygu cod]

Ei hoff gynefin yw rhostiroedd a gweundiroedd, yn enwedig caeau ar dir calchog a thywynnau glan y môr. Ar wahân i dde Lloegr, fe'i ceir yn Norfolk, Suffolk, Dyfnaint, Cernyw a Chymru. Mae'n eithaf llewyrchus yn Ewrop ac Asia - hyd at Japan.

Gleision serennog yn paru ar y Gogarth, Gwynedd, gan Elun Williams.

Bwyd[golygu | golygu cod]

Ei hoff fwydydd yw Grug Calluna vulgaris, Erica cinerea, Erica tetralix a gwahanol fath o eithin: Ulex. Ar weundiroedd: Lotus corniculatus, Helianthemum nummularium, Hippocrepis comosa a Teim Thymus serpyllum.

Cyffredinol[golygu | golygu cod]

Gellir dosbarthu'r pryfaid (neu'r Insecta) sy'n perthyn i'r Urdd a elwir yn Lepidoptera yn ddwy ran: y gloynnod byw a'r gwyfynod. Mae'r dosbarthiad hwn yn cynnwys mwy na 180,000 o rywogaethau mewn tua 128 o deuluoedd.

Wedi deor o'i ŵy mae'r glesyn serennog yn lindysyn sy'n bwyta llawer o ddail, ac wedyn mae'n troi i fod yn chwiler. Daw allan o'r chwiler ar ôl rhai wythnosau. Mae pedwar cyfnod yng nghylchred bywyd glöynnod byw a gwyfynod: ŵy, lindysyn, chwiler ac oedolyn.

Arddangosfwrdd mewn amgueddfa

Gweler hefyd[golygu | golygu cod]

Comin Wikimedia
Comin Wikimedia
Mae gan Gomin Wikimedia
gyfryngau sy'n berthnasol i:

Cyfeiriadau[golygu | golygu cod]

  1.  Gwefan Cyngor Cefn Gwlad Cymru. Cyngor Cefn Gwlad Cymru. Adalwyd ar 29 Chwefror 2012.
  2. Geiriadur enwau a thermau ar Wefan Llên Natur. Adalwyd 13/12/2012.