Gaynor Morgan Rees
| Gaynor Morgan Rees | |
|---|---|
.jpg) | |
| Dinasyddiaeth |  Cymru |
| Galwedigaeth | actor  |
Actores o Gymraes yw Gaynor Morgan Rees. Daeth i amlygrwydd cenedlaethol am ei rhan fel Diana, merch Twm Twm (Ryan Davies) yn y gyfres comedi boblogaidd Fo a Fe, a ddarlledwyd ar BBC Cymru o 1972 hyd 1977. Bu hefyd yn ran o'r gyfres Pobol Y Cwm yn portreadu'r cymeriad Nerys (merch y cymeriad Jacob Ellis) rhwng 1974 a 1991.
Yn enedigol o Abercwmboi, Cwm Cynon, mae hi'n ferch i David Morgan Rees a'i wraig Bronwen.[1] Symudodd i weithio i'r BBC ym Mangor yn 1962 ar ôl graddio o'r coleg drama. Mae hi hefyd yn un o'r tri actor cyntaf i'w cyflogi gan Gwmni Theatr Cymru ym 1968, gyda David Lyn a John Ogwen fel y ddau arall. Yn sgil bod yn rhan o'r Cwmni Theatr, hi gafodd y fraint o bortreadu rhai o gymeriadau dramâu eiconig Gwenlyn Parry (Saer Doliau, Tŷ Ar Y Tywod, Y Ffin) a Saunders Lewis, am y tro cyntaf.
Mae hi wedi byw yn y gogledd ers 1984 ger tref Dinbych lle mae hi'n weithgar gyda Theatr Twm o'r Nant.[2]
Mae'n gynghorydd Plaid Cymru ar Gyngor Tref Dinbych.[3]
Gyrfa
[golygu | golygu cod][detholiad]
Theatr
[golygu | golygu cod]1960au
[golygu | golygu cod]- Saer Doliau (1966) y llwyfannu gwreiddiol o ddrama Gwenlyn Parry gan Cwmni Theatr Cymru
- Tŷ Ar Y Tywod (1968) y llwyfannu gwreiddiol o ddrama Gwenlyn Parry gan Cwmni Theatr Cymru
- A Kind Of Loving (1968) Liverpool Playhouse
- Tair drama fer gan Eugène Ionesco : Y Tenant Newydd, Merthyron Dyletswydd a Pedwarawd (1968) Cwmni Theatr Cymru
1970au
[golygu | golygu cod]- Y Claf Diglefyd (1971)
- Hynt A Helynt Y Ddrama Gymraeg (1971) taith ysgolion
- Y Ffin (1973) y llwyfannu gwreiddiol o ddrama Gwenlyn Parry gan Cwmni Theatr Cymru
1980au
[golygu | golygu cod]1990au
[golygu | golygu cod]- Pwy Bia'r Gân? (1991-1993) Cwmni Whare Teg
Teledu a ffilm
[golygu | golygu cod]- Mostyn a'r Cryman Bach (1964)
- Fo a Fe (BBC Cymru, Mawrth 1972 - Ionawr 1977) fel Diana
- Pobol Y Cwm (1972 - 1992) fel Nerys Cadwaladr
- Off to Philadelphia in the Morning (1978, teledu) fel Anne Parry
- Calon Gaeth (2006), fel Nano
- Arwyr (2008, teledu) fel Megan
Radio
[golygu | golygu cod]- Becca Bingo (2013)
Cyfeiriadau
[golygu | golygu cod]- ↑ Cymdeithas Hanes Bro Cynon. 2022. https://www.peoplescollection.wales/sites/default/files/2022_Hanes_98.pdf.
- ↑ S4C
- ↑ Cyng - Cllr Gaynor Morgan Rees. Cyngor Tref Dinbych. Adalwyd ar 28 Rhagfyr 2020.
Dolenni allanol
[golygu | golygu cod]- (Saesneg) Gaynor Morgan Rees ar IMDB
