Francesco Bartolomeo Rastrelli

Oddi ar Wicipedia
Jump to navigation Jump to search
Francesco Bartolomeo Rastrelli
Rastrelli.jpg
Ganwyd 1700 Edit this on Wikidata
Province of Florence Edit this on Wikidata
Bu farw 29 Ebrill 1771 Edit this on Wikidata
St Petersburg Edit this on Wikidata
Dinasyddiaeth Ymerodraeth Rwsia Edit this on Wikidata
Galwedigaeth Pensaer Edit this on Wikidata
Cyflogwr
  • Imperial Academy of Arts Edit this on Wikidata
Adnabyddus am Rundāle Palace, St Andrew's Church, Anichkov Palace, Vorontsov Palace, Winter Palace, Smolny Cathedral, Catherine Palace Edit this on Wikidata
Mudiad Baróc Edit this on Wikidata

Roedd Francesco Bartolomeo Rastrelli (Rwseg: Франческо Бартоломео (Варфоломей Варфоломеевич) Растрелли) (1700 ym Mharis Deyrnas Ffrainc - 29 Ebrill 1771 yn St Petersburg, Ymerodraeth Rwsia) yn bensaer Eidalaidd a weithiodd yn bennaf yn Rwsia. Datblygodd arddull hawdd ei adnabod o Faróc Hwyr a oedd yn ysblennydd a mawreddog. Mae ei waith mawr, gan gynnwys Palas y Gaeaf yn St Petersburg a Phalas Catherine yn Tsarskoye Selo yn enwog am eu moethusrwydd ac addurn anhygoel. [1]

Bywgraffiad[golygu | golygu cod y dudalen]

Ym 1716, symudodd Bartolomeo i St Petersburg, Rwsia, ynghyd â'i dad, y cerflunydd Eidalaidd Carlo Bartolomeo Rastrelli (1675-1744). Ei uchelgais oedd cyfuno ffasiwn pensaernïol diweddaraf yr Eidal gyda thraddodiadau arddull Baróc Moscow. Daeth y comisiwn pwysig cyntaf ym 1721 pan ofynnwyd iddo adeiladu palas i'r Tywysog Demetre Cantemir cyn-reolwr Moldavia.

Fe'i penodwyd i swydd uchel bensaer y llys ym 1730. Cafodd ei waith ei ffafrio gan bendefigion benywaidd ei gyfnod, felly cadwodd ei swydd trwy gydol teyrnasiad yr ymerodresau Anna (1730-1740) ac Elizabeth (1741-1762).

Prosiect olaf a mwyaf uchelgeisiol Rastrelli oedd y Convento Smolny yn St Petersburg lle bu'r Ymerodres Elizabeth yn treulio gweddill ei bywyd. Bwriadwyd i dŵr clochdy'r conventio bod yr adeilad talaf yn St Petersburg a Rwsia i gyd. Ond daeth marwolaeth Elizabeth ym 1762 a gobeithion Rastrelli i gyflawni'r dyluniad mawreddog hwn i ben heb ei gwblhau.

Bu'r i'r ymerodres newydd, Catherine II ymwrthod a phensaernïaeth Faróc gan ei ddisgrifio fel hufen chwisg hen ffasiwn", a bu rhaid i'r pensaer oedrannus ymddeol i Courland lle bu'n goruchwylio cwblhau ac addurno'r palasau dugol.

Treuliwyd ei flynyddoedd diwethaf mewn masnach di nod gyda chrefftwyr Eidaleg. Fe'i hetholwyd i Academi'r Celfyddydau Ymerodraethol ychydig fisoedd cyn ei farwolaeth. Mae'r sgwâr o flaen y Convento Smolny wedi dwyn enw Rastrelli ers 1923. Mae'n destun y cyfansoddiad cerddorol, Rastrelli yn St Petersburg, a ysgrifennwyd yn 2000 gan y cyfansoddwr Eidalaidd Lorenzo Ferrero.

Deg adeilad gan Rastrelli sydd dal i fodoli[golygu | golygu cod y dudalen]

# Delwedd Enw Lleoliad Dyddiad
1 Rundalen1.jpg Palas Rundāle Pilsrundāle ger Bauska
 Latfia
1736—1740
1764—1767
2 Biron Rezidenz.jpg Palas Jelgava Jelgava
 Latfia
1738—1740
1763—1772
3 Peterhof Fountains 01 - Big Cascade 02.jpg Palas Peterhof Peterhof ger St. Petersburg
 Rwsia
1747—1755
PeterhofEastChapel.jpg Capeli Palas Peterhof Peterhof ger St. Petersburg
 Rwsia
1747—1751
4 St. Andriy's Church in Kyiv.jpg Eglwys San Andreas Kiev Kiev
 Wcráin
1748—1767
5 Смольный собор 2.jpg Cwfaint Smolny St. Petersburg
 Rwsia
1748—1764
6 Spb 06-2012 Vorontsov Palace.jpg Palas Vorontsov St. Petersburg
 Rwsia
1749—1757
7 DSC00991, Catherine’s Palace, Pushkin, St. Petersburg, Russia.jpg Palas Catherine Tsarskoe Selo (Pushkin)
 Rwsia
1752—1756
Pushkin Catherine Park 01.jpg Pafiliwn y Feudwyfa Tsarskoe Selo (Pushkin)
 Rwsia
1749
8 2005-08-10 Kiev Mariinsky Palace 123.JPG Palas Mariyinsky Kiev
 Wcráin
1752
1870
9 Строгановский дворец (24).jpg Palas Stroganov St. Petersburg
 Rwsia
1753—1754
10 Spb 06-2012 Palace Embankment various 14.jpg Palas y Gaeaf St. Petersburg
 Rwsia
1754—1762[2]

Adeiladau a dymchwelwyd[golygu | golygu cod y dudalen]

# Delwedd Enw Nodiadau Lleoliad Dyddiad
1 Muzej lefortovo.png Annenhof Adeiladwyd o goed, wedi'i ddisodli gan Balas Catherine (Moscow) Moscow
 Rwsia
1731
2 Winter palace 1740s.jpg Palas gaeaf Anna Wedi'i ddisodli gan Balas y Gaeaf Saint Petersburg
 Rwsia
1732—1735
dymchwelwyd 1754
3 Summer Palace St Petersburg.jpeg Palas yr haf Adeiladwyd o goed, dymchwelwyd i wneud lle i Gastell Saint Michael Saint Petersburg
 Rwsia
1741—1744
dymchwelwyd 1797
4 Kremlinduran.jpg Palas gaeaf y Kremlin dymchwelwyd i wneud lle i Balas Mawr y Kremlin Kremlin Moscfa
 Rwsia
1747—1756
ailadeiladwyd 1798
dymchwelwyd 1837

Cyfeiriadau[golygu | golygu cod y dudalen]