Edward Kyffin

Oddi ar Wicipedia
Jump to navigation Jump to search
Edward Kyffin
Ganwyd1557 Edit this on Wikidata
Croesoswallt Edit this on Wikidata
Bu farw1603 Edit this on Wikidata
Alma mater
Galwedigaethcyfieithydd, bardd, clerig Edit this on Wikidata

Bardd Cymraeg a chyfieithydd oedd Edward Kyffin (hefyd Edward Cyffin) (tua 15581603). Ei brif waith llenyddol oedd cyfieithiad Cymraeg o ran o Salmau Dafydd. Roedd yn frawd i'r awdur a milwr Morris Kyffin.

Ganed Edward Kyffin yng Nghroesoswallt, Swydd Amwythig tua'r flwyddyn 1558. Offeiriad Anglicanaidd ydoedd o ran ei alwedigaeth.[1]

Cyfansoddodd drosiadau mydryddol ar fesur rhydd o hanner cant o salmau. Cafodd deuddeg o'r salmau hynny eu hargraffu gan Thomas Salisbury yn 1603 wrth y teitl Rhan o Salmau Dafydd Broffwyd. Roedd Salisbury yn byw yn Llundain ac roedd Edward yno gyda fo yn 1603 pan dorrodd y pla allan yn y ddinas. Dihangodd Salisbury ond arosodd Kyffin a bu farw o'r pla. Diflanodd y llyfrau i gyd yn dilyn hynny ac eithrio un copi a anfonwyd gan Salisbury neu Kyffin fel sampl o'r gwaith cyn ei gyhoeddi at Syr John Wynn o Wydir. Cyfrol Wynn yw'r unig gopi o'r gwaith anghyhoeddedig y gwyddys amdano heddiw; fe'i cedwir yn Llyfrgell Genedlaethol Cymru.[2]

Llyfryddiaeth[golygu | golygu cod y dudalen]

Cyfeiriadau[golygu | golygu cod y dudalen]

  1. Blodeugerdd Barddas o'r Ail Ganrif ar Bymtheg, tud. 310.
  2. Blodeugerdd Barddas o'r Ail Ganrif ar Bymtheg, tt. 310-11.