Edward Hughes (Y Dryw)

Oddi ar Wicipedia
Jump to navigation Jump to search
Edward Hughes
Ganwyd 9 Gorffennaf 1772 Edit this on Wikidata
Nannerch Edit this on Wikidata
Bu farw 11 Chwefror 1850 Edit this on Wikidata (77 oed)
Dinasyddiaeth Baner Cymru Cymru
Alma mater
Galwedigaeth Bardd Edit this on Wikidata

Bardd a gweinidog o Sir y Fflint oedd Edward Hughes (Gorffennaf 1772 - 11 Chwefror 1850),[1] a fu'n fwy adnabyddus wrth ei enw barddol Y Dryw. Roedd yn ddyn lled fyr a dyna pam y dewisodd yr enw "Y Dryw".[2]

Bywgraffiad[golygu | golygu cod y dudalen]

Ganed Hughes yn Nannerch, Sir y Fflint, yn 1772. Derbyniodd ei addysg yng Ngholeg Yr Iesu, Rhydychen. Gwasanaethodd yn y fyddin fel caplan am rai blynyddoedd. Penodwyd ef yn rheithor Llanddulas ond symudodd wedyn i wasanaethu ym Modfari, lle y bu am 32 o flynyddoedd hyd ei farwolaeth yn 1850.[2] Bu farw ym Modfari ar 11 Chwefror 1850, ac fe'i claddwyd yno ar 15 Chwefror 1850.

Gwaith llenyddol[golygu | golygu cod y dudalen]

Roedd yn fardd adnabyddus yn y Gogledd. Daeth i sylw'r cyhoedd yn Eisteddfod Dinbych yn 1818 am ei awdl 'Elusengarwch', sy'n amlygu ei daliadau "gwerinol". Ynddi mae'n cwyno am gyflwr y tlodion yng ngwledydd Prydain lle mae'r "gwobrau mawr" yn cael eu dwyn gan y dugiaid a'r cyfoethogion yn "nofio mewn nwyfiant" tra bod y tlawd yn marw o eisiau bwyd. Cafwyd cryn gynnwrf yn yr eisteddfod pan ddyfarnodd Bardd Nantglyn a William Owen Pughe fod y wobr yn mynd i'r Dryw yn lle Dewi Wyn o Eifion.[2]

Cyfeiriadau[golygu | golygu cod y dudalen]

  1. Y Bywgraffiadur Ar-lein
  2. 2.0 2.1 2.2 D. Ambrose Jones, Llenyddiaeth a llenorion Cymreig y bedwaredd ganrif ar bymtheg (Wrecsam, 1922).

Dolen allanol[golygu | golygu cod y dudalen]