Cymdeithas Bob Owen

Oddi ar Wicipedia
Jump to navigation Jump to search
Cylchgrawn y gymdeithas: Y Casglwr; rhifyn Gwanwyn 2013

Cymdeithas ar gyfer casglwyr a charwyr llyfrau Cymraeg a Chymreig yw Cymdeithas Bob Owen. Fe'i sefydlwyd yn Eisteddfod Genedlaethol Cymru Aberteifi 1976. Cafodd y gymdeithas ei henwi ar ôl yr hynafiaethydd a llyfrbryf enwog Bob Owen, Croesor.

Mae'r gymdeithas yn trefnu darlith flynyddol yn yr Eisteddfod Genedlaethol, ynghyd ag ysgol undydd flynyddol yn y gwanwyn a ffeiriau llyfrau yn y gwanwyn a'r hydref.

Y Casglwr[golygu | golygu cod y dudalen]

Prif weithgaredd y gymdeithas fodd bynnag yw cyhoeddi'r cylchgrawn Y Casglwr sy'n llawn gwybodaeth am lyfrau prin a diddorol yn y Gymraeg neu'n ymwneud â Chymru yn ogystal ag erthyglau mwy cyffredinol am hanes a diwylliant Cymru. Sefydlwyd y cylchgrawn ym mis Mawrth 1977. Mae ar gael i aelodau o'r gymdeithas yn unig. Mae cyfranwyr diweddar yn cynnwys Bruce Griffiths a Dafydd Glyn Jones, golygyddion Geiriadur yr Academi.

Golygydd cyntaf y cylchgrawn oedd John Roberts Williams, a fu'n golygu hyd 1995.

Dolen allanol[golygu | golygu cod y dudalen]