Colin McRae

Colin McRae
Colin McRae
Ganwyd	5 Awst 1968 ; Lanark
Bu farw	15 Medi 2007 ; Lanark
Dinasyddiaeth	y Deyrnas Unedig
Alma mater	Lanark Grammar School ;
Galwedigaeth	co-driver, gyrrwr ceir cyflym, gyrrwr rali
Tad	Jimmy McRae
Gwobr/au	MBE, Segrave Trophy
Chwaraeon

Gyrrwr o'r Alban ym Mhencampwriaeth Rali'r Byd oedd Colin Steele McCrae MBE (5 Awst 1968 – 15 Medi 2007), mab Jimmy McRae, enillydd Pencampwriaeth Rali Prydain pum gwaith, a brawd hyn y gyrrwr proffesiynol Alister McRae. Enillodd Bencampwriaeth Rali'r Byd yn 1995, a bu'n ail yn 1996, 1997 a 2001, a thrydydd yn 1998.

Helpodd Colin i Subaru ennill Pencampwriaeth y Gwneuthurwyr yn 1995, 1996 a 1997, a Citroën yn 2003. Cafodd MBE gan y frenhines, Elisabeth II, yn 1996.

Bu farw McRae mewn damwain pan ddisgynnodd ei hofrennydd i'r ddaear wrth lanio ar dir ei gartref yn Lanark.

Gyrfa

Dechreuodd ei yrfa rali yn 1986, gan yrru Talbot Sunbeam. Roedd yn aml yn cystadlu yng nghystadlaethau Pencampwriaeth Rali'r Alban, a dechreuodd greu enw iw hun am ei gyflymder a'i steil gyffrous o yrru. Cymharwyd ei steil yrru'n aml gyda Ari Vatanen, y gyrrwr rali o'r Ffindir a oedd McRae wastad wedi ei edmygu. Symudodd ymlaen yn fuan i yrru Vauxhall Nova, ac ynaa Ford Sierra XR 4x4. Ei dro cyntaf i gystadlu ym Mhencapwriaeth Ralio'r Byd oedd yn Rali Sweden 1987 tu ôl i llyw ei Nova, ac unwaith eto yn 1989, gyrrodd Sierra a gorffenodd yn y 15fed safle. Yn ddiweddarach yn 1989, gorffenodd yn y 5ed safle yn Rali Seland Newydd mewn Sierra Cosworth â gyrriad olwyn cefn. Ymunodd â dîm Prodrive Subaru yn 1991 ar gyfer Pencampwriaeth Rali Prydain. Bu'n bencampwr Prydeinig ddwywaith, yn 1991 a 1992, graddio'dd yn fuan i statws works ar gyfer y tîm ffactri.

Enillodd ei Bencampwriaeth Rali's Byd cyntaf yn 1993, yn y Subaru Legacy a adeiladwyd gan Prodrive yn Rali Seland Newydd, cyn helpu Subaru i ennill tair teitl gwneuthurwyr golynol, gan gynnwys Pencampwriaeth y gyrrwr yn 1995, a enillodd ar ôl Rali Prydain Fawr, gan i'w gyd-aelod tîm, a oedd yn bencampwr y Byd ddwywaith, Carlos Sainz yn gorffen yn ail. Yn ddiweddarach bu iddo ennill Ras y Pencampwyr yn 1998.

Yn Awst 2007, datganodd McRae ei fod yn chwilio am dîm ar gyfer cystadlu ym Mhencapwriaeth Rali'r Byd yn 2008, gan ategu os na ddigwyddai hyn y flwyddyn nesaf, ni fyddai'n dychwelyd i gystadlu gan yr oedd ond yn bosib fod allan ohoni ar lefel mor uchel am hyn a hyn. (Saesneg: "if it doesn't happen next year, then I won't (return) because you can only be out of something at that level for so long.")^[1]

Buddugoliaethau ym Mhencampwriaethau Rali'r Byd

#	Cystadleuaeth	Tymor	Cyd-yrwr	Car
1	23ydd Rali Rothmans, Seland Newydd	1993	Derek Ringer	Subaru Legacy RS
2	24ydd Rali Rothmans, Seland Newydd	1994	Derek Ringer	Subaru Impreza 555
3	50fed Rali 'Network Q'	1994	Derek Ringer	Subaru Impreza 555
4	25ed Rali Rothmans, Seland Newydd	1995	Derek Ringer	Subaru Impreza 555
5	51fed Rali 'Network Q'	1995	Derek Ringer	Subaru Impreza 555
6	43ydd Rali Acropolis, Gwlad Groeg	1996	Derek Ringer	Subaru Impreza 555
7	38fed Rallye Sanremo - Rallye d'Italia	1996	Derek Ringer	Subaru Impreza 555
8	32ydd 'Rallye Catalunya-Costa Brava' (Rallye de España)	1996	Derek Ringer	Subaru Impreza 555
9	45ed Rali Safari Kenya	1997	Nicky Grist	Subaru Impreza WRC
10	41af Tour de Corse - Rallye de France	1997	Nicky Grist	Subaru Impreza WRC
11	39fed Rallye Sanremo - Rallye d'Italia	1997	Nicky Grist	Subaru Impreza WRC
12	10fed Rali API Awstralia	1997	Nicky Grist	Subaru Impreza WRC
13	53ydd Rali 'Network Q'	1997	Nicky Grist	Subaru Impreza WRC
14	31af TAP Rallye de Portugal	1998	Nicky Grist	Subaru Impreza WRC
15	42ain Tour de Corse - Rallye de France	1998	Nicky Grist	Subaru Impreza WRC
16	45ed Rali Acropolis, Gwlad Groeg	1998	Nicky Grist	Subaru Impreza WRC
17	47fed Rali Safari Kenya	1999	Nicky Grist	Ford Focus WRC
18	32ain TAP Rallye de Portugal	1999	Nicky Grist	Ford Focus WRC
19	36ain Rallye Catalunya-Costa Brava (Rallye de España)	2000	Nicky Grist	Ford Focus WRC
20	47fed Rali Acropolis, Gwlad Groeg	2000	Nicky Grist	Ford Focus WRC
21	21ain Rali Argentina	2001	Nicky Grist	Ford Focus WRC
22	29fed Rali Cyprus	2001	Nicky Grist	Ford Focus WRC
23	48fed Rali Rali Acropolis, Gwlad Groeg	2001	Nicky Grist	Ford Focus WRC
24	49fed Rali Rali Acropolis, Gwlad Groeg	2002	Nicky Grist	Ford Focus WRC
25	50fed Rali 'Inmarsat Safari', Kenya	2002	Nicky Grist	Ford Focus WRC