Colin Jackson

Colin Jackson
Colin Jackson
Ganwyd	Colin Ray Jackson ; 18 Chwefror 1967 ; Caerdydd
Dinasyddiaeth	Cymru
Alma mater	Ysgol Uwchradd Llanedern ;
Galwedigaeth	cystadleuydd yn y Gemau Olympaidd
Taldra	182 centimetr
Pwysau	75 cilogram
Perthnasau	Suzanne Packer, chwaer
Gwobr/au	CBE
Chwaraeon
Gwlad chwaraeon	Cymru, y Deyrnas Unedig

Cyn-athletwr sbrint a ras glwydi o Gymru yw Colin Ray Jackson CBE (ganwyd 18 Chwefror 1967). Ganwyd Jackson yng Nghaerdydd, a daw o dras Jamaicaidd, Maroon, Taino (Americanwyr brodorol), ac Albanaidd. Mae ei chwaer Suzanne Packer yn actores. Wedi ymddeol fel athletwr gweithiodd fel sylwebydd chwaraeon, ar y BBC yn bennaf. Daliodd record y byd ras clwydi 110 metr rhwng 1993 a 2006. Ef yw deilydd presennol record y byd ras glwydi 60 metr a deilydd record ras glwydi 110 metr Gemau'r Gymanwlad.^[1]

Gyrfa athletau

Mynychodd Jackson Ysgol Uwchradd Llanedeyrn lle bu'n chwarae pêl-droed a chriced dros y sir, a rygbi'r undeb a phêl-fasged dros yr ysgol.

O dan orychwyliaeth ei ffrind a'i hyffoddwr, Malcolm Rodger Arnold, dechreuodd ei yrfa fel athletwr decathlon addawol cyn newid i redeg y ras glwydi uchel. Enillodd fedal arian yng Ngemau'r Gymanwlad 1986 a medal arian yn y ras glwydi 110 metr yng Ngemau Olympaidd 1988 tu ôl i Roger Kingdom. Byddai ei yrfa fel athletwr yn para 15 mlynedd, a'r deg olaf fel deilydd record y byd. Bu'n Bencampwr y Byd ddwywaith, Pencampwr y Gymanwlad ddwywaith ac yn Bencampwr Ewropeaidd bedair gwaith ond dyma'r unig fedal Olympaidd iddo ennill erioed . Roedd wedi ei anafu pan redodd y ras glwydi 110 metr yng Ngemau Olympaidd 1992 ac felly ni lwyddodd i orffen yn uwch na'r seithfed safle, daeth yn bedwerydd yng Ngemau Olympaidd 1996, ac yn bumed yn 2000.

Cyfeiriadau

↑ 60 Metres Hurdles Records. IAAF. Adalwyd ar 2009-04-04.

Llyfryddiaeth

Colin Jackson: The Autobiography (BBC Books, 2003)
Life’s New Hurdles, cyfres Stori Sydyn 2008, Accent Press, ISBN 9781906125936

Dolenni allanol

Proffil IAAF Colin Jackson Archifwyd 2012-08-04 yn y Peiriant Wayback
Bywgraffiad Colin Jackson, olympics.org.uk Archifwyd 2010-02-04 yn y Peiriant Wayback
Proffil 'Power o f10' Colin Jackson^{[dolen farw]}
Colin Jackson - athlete from Cardiff, BBC Archifwyd 2009-03-07 yn y Peiriant Wayback
Colin Jackson, Who Do You Think You Are?
Biography of Colin Jackson, Sunday Life
Proffil Colin Jackson, londonspeakerbureau.co.uk
Bywgraffiad ar wefan ei asiant

Eginyn erthygl sydd uchod am un o Gymru. Gallwch helpu Wicipedia drwy ychwanegu ato.

[1] 60 Metres Hurdles Records. IAAF. Adalwyd ar 2009-04-04.

[1]