Chloe Tutton

Oddi ar Wicipedia
Jump to navigation Jump to search
Chloe Tutton
Gwybodaeth bersonol
Enw llawn Chloe Tutton
Ganwyd (1996-07-17) 17 Gorffennaf 1996 (22 oed)
Pontypridd
Camp
Gwlad Cymru
Chwaraeon Nofio
Camp Dull broga
Clwb Dinas Caerdydd
Diweddarwyd 7 Ebrill 2018.

Nofwraig o Gymru ydy Chloe Tutton (ganwyd 17 Gorffennaf 1996), sydd wedi cystadlu dros Gymru yng Ngemau'r Gymanwlad a thros Prydain Fawr yn y Gemau Olympaidd. Mae hi'n cystadlu yng nghystadlaethau dull broga[1].

Gyrfa[golygu | golygu cod y dudalen]

Dechreuodd Tutton nofio ym mhwll nofio Ystrad Rhondda[2] cyn symud i ymuno â chlwb Dinas Caerdydd. Cafodd ei dewis yn rhan o dîm Cymru ar gyfer Gemau'r Gymanwlad 2014 yn Glasgow, Yr Alban ond methodd â chyrraedd y rowndiau terfynol yn y 100m dull broga ac yn y 200m dull broga[3]

Llwyddodd i sicrhau ei lle yn nhîm Prydain Fawr ar gyfer Gemau Olympaidd 2016 yn Rio de Janeiro, Brasil wrth dorri'r record Prydain ar gyfer y 200m dull broga ym Mhencampwriaethau Prydain yn Glasgow ym mis Ebrill 2016[4] a gorffenodd yn bedwerydd yn rownd derfynol y 200m dull broga[5].

Cyfeiriadau[golygu | golygu cod y dudalen]