Bill McLaren

Oddi ar Wicipedia
Neidio i: llywio, chwilio
Bill McLaren
Ganwyd 16 Hydref 1923 Edit this on Wikidata
Hawick Edit this on Wikidata
Bu farw 19 Ionawr 2010 Edit this on Wikidata (86 oed)
Hawick Edit this on Wikidata
Gwaith newyddiadurwr, chwaraewr rygbi'r undeb Edit this on Wikidata
Cyflogwr BBC Sport Edit this on Wikidata
Gwobr/au Cadlywydd Urdd yr Ymerodraeth Brydeinig Edit this on Wikidata

Sylwebydd Albanaidd oedd Bill McLaren (16 Hydref 192319 Ionawr 2010) a ystyriwyd fel 'llais rygbi' ledled y byd tan ei ymddeoliad yn 2002.

Cafodd ei eni yn Hawick. Roedd yn chwaraewr talentog yn safle'r Blaenasgellwr ar y ca. Chwaraeodd dros dîm 'Hawick first XV' cyn yr Ail Ryfel Byd pan wasanaethodd yn y Royal Artillery yn yr Eidal.

Cafodd dreial ar gyfer tîm cenedlaethol yr Alban yn 1947. Roedd ar fin ennill ei gap cyntaf pan aeth yn sâl gyda tuberculosis a fu bron a'i ladd a gorfodwyd ef i rhoi'r gorau i chwarae. Treuliodd 19 mis mewn sanitaorium cyn derbyn cyffur arbrofol a achubodd ei fywyd.

Astudiodd McLaren ymarfer corff yn Aberdeen, a bu'n dysgu mewn amryw o ysgolion o gwmpas Hawick hyd 1987, gan hyfforddi nifer o chwaraewyr a aeth ymlaen i chwarae dros yr Alban megis Jim Renwick, Colin Deans a Tony Stanger.

Trwy ei adroddiadau ar y gemau iau ar gyfer bapur y 'Hawick Express' llwyddodd i lansio ei hun i yrfa sylwebaeth, gan wneud hynny yn genedlaethol am y tro cyntaf ar Radio'r BBC yn 1953, pan gurwyd yr Alban 12-0 gan Gymru.

Aeth ymlaen i sylwebu ar y teledu chwe mlynedd yn ddiweddarach. Derbynodd gydnabyddiaeth o'i gyfraniad ym mis Tachwedd 2001 pan ddaeth ef y cyntaf nad oedd yn rhyngwladol i gael ei sefydlu yn yr International Rugby Hall of Fame.

Baner yr AlbanEicon person Eginyn erthygl sydd uchod am Albanwr neu Albanes. Gallwch helpu Wicipedia drwy ychwanegu ato.