Bedd Taliesin

Oddi ar Wicipedia
Bedd Taliesin
Mathsafle archaeolegol, carnedd gron Edit this on Wikidata
Daearyddiaeth
SirCeredigion Edit this on Wikidata
GwladBaner Cymru Cymru
Cyfesurynnau52.502°N 3.959°W, 52.502575°N 3.958626°W Edit this on Wikidata
Gwleidyddiaeth
AC/auElin Jones (Plaid Cymru)
AS/auBen Lake (Plaid Cymru)
Map
Statws treftadaethheneb gofrestredig Edit this on Wikidata
Manylion
Dynodwr CadwCD067 Edit this on Wikidata

Carnedd gron o Oes yr Efydd yw Bedd Taliesin. Fe'i lleolir ym mryniau gogledd Ceredigion tua milltir i'r dwyrain o bentref bychan Tre Taliesin cyfeiriad grid SN671912. Yr olion a welir heddiw yw'r cwbl sy'n weddill o'r garnedd a godwyd yno yn Oes yr Efydd. Mae'r maen clo wedi syrthio ond erys y meini eraill yn eu safle gwreiddiol. Y tu mewn ceir cist 2m o hyd a gloddiwyd rhywbryd yn y gorffennol (efallai gan rywrai ar ôl trysor). Gellir cyrraedd Bedd Taliesin o'r A487 trwy ddilyn lôn o Dal-y-bont.

Cofrestrwyd yr heneb hon gan Cadw a chaiff ei hadnabod gyda'r rhif SAM unigryw: CD067.[1]

Mae'r brodorion a'u cododd hefyd yn gyfrifol am godi carneddau, beddrodau siambr, twmpathau, cylchoedd cerrig, bryngaerau, cytiau Gwyddelod a meini hirion.

Chwedl leol[golygu | golygu cod]

Yn ôl traddodiad lleol, Bedd Taliesin yw gorffwysfa'r bardd Taliesin, a ganai ym Mhowys a'r Hen Ogledd yn y 6g. Tyfodd yn ffigwr chwedlonol gyda threigliad amser (Taliesin Ben Beirdd yn y chwedl Hanes Taliesin a ffynonellau eraill) ond nid oes unrhyw beth i gysylltu'r garnedd gynhanesyddol â'r bardd canoloesol mewn gwirionedd, er bod gan yr ardal gysylltiadau eraill â'r Taliesin chwedlonol. Mae tradoddiad yn y cylch y byddai rhwyun a dreuliai'r nos ar y garnedd yn deffro yn y bore yn fardd neu'n wallgofddyn (ceir traddodiad cyffelyb am Cadair Idris).

Cyfeiriadau[golygu | golygu cod]

Gweler hefyd[golygu | golygu cod]

Ffynonellau[golygu | golygu cod]

  • Christopher Houlder, Wales: an archaeological guide (Llundain, 1978)