Baner Tiriogaethau'r Gogledd-orllewin

Baner Tiriogaethau'r Gogledd-orllewin
Enghraifft o'r canlynol	baner endid gweinyddol o fewn un wlad
Lliw/iau	glas, gwyn, coch, gwyrdd, aur
Dechrau/Sefydlu	1969
Genre	Canadian pale, charged flag
	Ffeiliau perthnasol ar Gomin Wicimedia

Baner Tiriogaethau'r Gogledd-orllewin, neu Baner y Northwest Territories yw baner is-genedlaethol Tiriogaethau'r Gogledd-orllewin, un o Daleithiau a Thiriogaethau Canada. Fe'i mabwysiadwyd yn 1969 gan Gynulliad Deddfwriaethol Tiriogaethau'r Gogledd-orllewin.

Baner Cwmni Bae Hudson[golygu | golygu cod]

Nid oedd gan Diriogaethau'r Gogledd-orllewin ei faner ei hun yn ei hanes cynnar, ond roedd baner Cwmni Bae Hudson yn parhau i gael ei defnyddio yng nghaerau, storfeydd a sefydliadau eraill y cwmni hwnnw.^[1] Crëwyd Cynulliad Deddfwriaethol y NWT ym 1951.

Baner gyfredol[golygu | golygu cod]

Dewiswyd baner swyddogol gyntaf Tiriogaethau'r Gogledd-orllewin gan bwyllgor arbennig o Gynulliad Deddfwriaethol Tiriogaethau'r Gogledd-orllewin ym 1969. Adolygodd y pwyllgor geisiadau o ornest ledled Canada. Enillydd y gystadleuaeth oedd Robert Bessant o Margaret, Manitoba.^[2]

Mae'r faner yn cynnwys maes glas, ac arno mae'r Pal Canadaidd ("Canadian Pale" yw'r term am streipen wen yn cymryd hanner lled y faner fel sydd ar faner genedlaethol Canada), ac yn y canol, y darian o arfbais Tiriogaethau'r Gogledd-orllewin. Mae'r glas yn cynrychioli dyfroedd toreithiog Tiriogaethau'r Gogledd-orllewin, tra bod y gwyn yn cynrychioli eira a rhew.^[2]

Mae dau banel glas yn cynrychioli nifer o afonydd a llynnoedd Tiriogaethau'r Gogledd-orllewin. Mae'r rhan wen, sy'n cynrychioli rhew ac eira, yn hafal o ran arwynebedd i'r 2 banel glas gyda'i gilydd. Mae'r Darian diriogaethol wedi'i ganoli yn yr adran wen. Mae rhan wen y Darian, gyda llinell las donnog yn ei rhannu, yn cynrychioli Cefnfor yr Arctig a Tramwyfa'r Gogledd Orllewin. Mae llinell letraws, sy'n cynrychioli llinell y goeden, yn rhannu'r rhan isaf yn adran wyrdd a choch gyda gwyrdd yn symbol o'r coed a choch yn symbol o'r twndra. Mae'r bariau aur yn yr adran werdd a'r llwynog gwyn yn yr adran goch yn cynrychioli'r toreth o fwynau a ffwr y seiliwyd hanes a ffyniant Tiriogaethau'r Gogledd-orllewin arnynt.

Oriel[golygu | golygu cod]

Map-faner o'r faner ar siâp y Tiriogaethau
Senedd-dy Cynulliad Tiriogaethau'r Gogledd-orllewin gyda'r faner tu ôl sedd y cadeirydd (2009)
y faner tu allan Cloddfa Diamwnt Snap Lake
Baner Comisiynydd Tiriogaethau'r Gogledd-orllewin